ހއ. ތަކަންދޫ ކައުންސިލްގެ އަންހެން މެންބަރު އިންތިހާބު ކުރުމަށް އިއްޔެ ބޭއްވި ބައި އިލެކްޝަން، މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން ކާމިޔާބު ކޮށް، އެ ގޮނޑި ދިފާއު ކޮށްފިއެވެ.
ތަކަންދޫ ކައުންސިލްގެ އަންހެން މެންބަރު އިންތިހާބު ކޮށްފައި މިވަނީ، ކުރިން އެ މަގާމުގައި ހުންނެވި ޒާހިޔާ އަލީ އިސްތިއުފާ ދެއްވުމުންނެވެ. ޒާހިޔާއަކީވެސް އެމްޑީޕީ މެމްބަރެކެވެ.
އިއްޔެ އޮތް އިންތިހާބުގައި އެމްޑީޕީގެ ފާތިމަތު ޝައުފާ އާއި ވާދަކޮށްފައި ވަނީ އަމިއްލަ ގޮތުން ކުރިމަތިލި ކެނޑިޑޭޓް ފަހީމާ މުހައްމަދެވެ.
ފަހީމާއަށް 203 ވޯޓު ލިބުނު އިރު، ޝައުފާއަށް 237 ވޯޓް ލިބިފައިވެއެވެ.
މި ބައި އިލެކްޝަންގައި ސައްހަ ވޯޓްގެ އަދަދަކީ 440 އެވެ. ބާތިލް ވޯޓްގެ ގޮތުގައި 8 ވޯޓް ގުނާފައިވެއެވެ.
މި އިންތިހާބުގައި 675 މީހަކަށް ވޯޓްލުމުގެ ހައްގު ލިބިފައިވިއެވެ. ވޯޓްލީ މީހުންގެ އިންސައްތައަކީ 66.37 ޕަސެންޓެވެ.
އެމްޑީޕީ މެޖޯރިޓީ އޮންނަ ތަކަންދޫ ކައުންސިލްގެ ތިން ކައުންސިލަރުން އެމްޑީޕީއަށް ނިސްބަތްވާއިރު ދެ ކައުންސިލަރުން އިންތިހާބުވީ އަމިއްލަ ގޮތުންނެވެ.
Advertisement
This content is created and paid for by advertisers and does not involve Voice Journalists
