މިދިޔަ ހަފްތާގައި ރާއްޖެއިން ކޮވިޑް-19 އަށް ޕޮޒިޓިވްވީ ފަސް މީހުން ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.

އެޗްޕީއޭގެ ތަފާސްހިސާބުތަކުން ދައްކާ ގޮތުގައި، މި މަހުގެ 15 ވަނަ ދުވަހުން ފެށިގެން 21 ވަނަ ދުވަހުގެ ނިޔަލަށް މުޅި ރާއްޖެއިން ކޮވިޑަށް ޕޮޒިޓިވްވެފައިވާ ފަސް މީހުންގެ ތެރެއިން ތިން މީހުންނަކީ މާލެއިން ޕޮޒިޓިވް ވެފައިވާ މީހުންނެވެ. އަދި އަތޮޅުތެރެއިން އެކަކު ޕޮޒިޓިވް ވެފައި ވާއިރު، އެހެނިހެން ކެޓަގަރީންވެސް އެކަކު ޕޮޒިޓިވްވެފައި ވެއެވެ.

މިދިޔަ ހަފްތާގައި ކޮވިޑް ޖެހިގެން އެނދުމަތި ކޮށްފައި ވަނީވެސް އެންމެ މީހެކެވެ.

Advertisement

މިހާތަނަށް ރާއްޖެއިން 185،713 މީހުން ކޮވިޑަށް ޕޮޒިޓިވް ވެފައި ވެއެވެ. އަދި 311 މީހުން ރައްޖެއިން މިބަލީގައި ދުނިޔެ ދޫކޮށްފައިވެއެވެ.

މި އަހަރު ރާއްޖެއިން ކޮވިޑަށް ޕޮޒިޓިވް ވެފައި ވަނީ ޖުމުލަ 20 މީހުންނެވެ. އެއީ އަހަރުގެ ފުރަތަމަ ހަފްތާގައި ނުވަ މީހުން، ދެވަނަ ހަފްތާގައި ހަ މީހުން އަދި ތިންވަނަ ހަފްތާގައި ފަސް މީހުންނެވެ.

ކޮވިޑް ޖެހިގެން މިއަހަރު އެނދުމަތި ކޮށްފައި ވަނީ ޖުމުލަ ހަތަރު މީހުންނެވެ. އެއީ އަހަރުގެ ފުރަތަމަ ހަފްތާގައި އެނދުމަތި ކުރި ދެމީހުންނާއި ދެވަނަ ހަފްތާގައި އެނދުމަތިކުރި އެކެއްގެ އިތުރުން މިދިޔަ ހަފްތާގައި އެނދުމަތި ކުރި އެކެކެވެ.