ލ. ފޮނަދޫގައި މީހަކު މަރާލި މައްސަލައިގައި ދައުވާކުރި އެންމެން ސަލާމަތްވެއްޖެއެވެ.

ފޮނަދޫގައި 27 އަހަރުގެ މުހައްމަދު އަސަން އުއްލާ ނަމަކަށް ކިޔާ ބިދޭސީއަކު މަރާލި މައްސަލައެއް ފެންމަތިވީ 2017 ވަނަ އަހަރުއެވެ. އެ މައްސަލައިގައި އަށް ބިދޭސީއެއްގެ މައްޗަށް ދައުލަތުން ދައުވާ ކުރިއެވެ.

ދައުލަތުން ބުނެފައިވަނީ، ބަންގްލަދޭޝް އަށް މީހުން ވެގެން އެރަށު ފިނިމަގު ކޮޅަށް އަސަން ގެންގޮސް ހަމަލާ ދީފައި ވާކަމަށެވެ. އެގޮތުން ހަތް މީހުން ވެގެން އަސަން ހިފަހައްޓައި، ބާކީ ހުރި މީހާ އަސަންގެ ކަރަށް ވަޅި ހަރާފައި ވާކަމަށް ދައުލަތުން ބުނެފައިވެއެވެ.

Advertisement

މި މައްސަލައިގައި ކްރިމިނަލް ކޯޓުން އިއްވި ހުކުމުގައި ވަނީ، އެ ހާދިސާ ހިނގިތަން ފެނުނީ އެންމެ މީހަކަށް ކަމަށާއި އެމީހާއަކީ ނުކުޅަދޭ މީހަކަށްވެފައި ދޮގު ވާހަކަ ފަތުރާ މީހެއްކަމަށް އެހެން ހެކިވެރިން ބުނެފައި ވާކަމަށެވެ.

ދައުލަތުން ހުށަހަޅާފައިވާ ހެކި ގަރީނާއިން އެމީހުން ކުށް ކުރިކަން ސާބިތުކުރެވެނެ ނެތުމުން އެކެއްގެ މައްޗަށް ވެސް ކުށް ސާބިތު ނުވާ ކަމަށް ކަނޑައަޅާފައިވެ އެވެ.

އަސަންގެ ހަށިގަނޑު ފެނުނީ އޭނާ ގެއްލިގެން ހޯދަނިކޮށް ދެ ދުވަސް ފަހުން ފިނިމަގުން ގޮނޑު ދޮށުގައި ހުރި ކުރެދި ގަހެއްގެ ދަށަށް ލައްވެފައި އޮއްވަ އެވެ.