ފިކުރު ބޮޑުވުމާ ގުޅޭގޮތުން ޑރ. އަނާރާ ނައީމް ލިޔުއްވި ފޮތް ނެރެދެއްވައިފިއެވެ.

ކަންބޮޑުވެ، ފިކުރު ބޮޑުވުމާއި އެކަމާ ގުޅޭ ހައްލުތަކާ ގުޅޭ ގޮތުން އަނާރާ ލިޔުއްި ފޮތަށް ކިޔަނީ "ފިކުރު ބޮޑުވުމާއި އެކަމުގެ ޙައްލު"އެވެ. މި ފޮތް ނެރެދެއްވީ އެ ނަފްސާނީ ދާއިރާގެ ތަޖުރިބާކާރު ޑރ. އައިޝަތު އަލީ ނާޒެވެ.

މި ފޮތް ނެރެދެއްވަމުން އަނާރާ ވިދާޅުވީ، މިއީ ކޮވިޑް-19 ގެ ބަލިމަޑުކަމުގެ ތެރޭގައި ހިޔާލަށް އައި ކަމެއް ކަމަށެވެ. އެ ދުވަސްވަރު ބޭރަށް ނުނިކުމެ ތިބެން ޖެހުމުގެ ސަބަބުން ގިނަ ބަޔަކަށް ނަފްސާނީ މައްސަލައްތައް ދިވާމި ކަމަށާއި އެކަމުގެ ސަބަބުން ދިރިއުޅަށްވެސް އޭގެ އަސަރު ކުރި ކަމަށެވެ.

Advertisement

އެހެންކަމުން މިފަދަ ފޮތެއްގެ ބޭނުންތެރިކަން އެނގިވަޑައިގެން، ފޮތެއް ލިޔުއްވީ ކަމަށް އަނާރާ ވިދާޅުވިއެވެ.

އެ ފޮތުގައި އަމިއްލައަށް އެފަދަ މައްސަލަތަކާއި ކުރިމަތިލާނެ ގޮތާއި ކުރެވޭނީ ކީއްކަމާއި އަދި އިސްލާމީ ޝާރިޢަތުގެ ޢަލީގައި، އެފަދަ ޙާލަތްތަކުގައި ހިތްވަރު ހޯދޭނެ ގޮތްތައް ލިޔެފައިވެއެވެ. މީގެ އިތުރުން ކުރެހުންތަކާއި ވާހަކަތައް ވެސް އެ ފޮތުގައި ހިމެނިފައިވެއެވެ.

މި ފޮތް ގައުމީ ކުތުބުހާނާއާއި އެހެން ލައިބްރަރީތަކާއި ފޮތް ވިއްކާ ފިހާރަތަކުން ލިބެން ހުންނާނެއެވެ.

ރައްޔިތުންގެ މަޖިލީހުގެ މަކުނުދޫ ދާއިރާގެ މެމްބަރުކަންވެސް ކުރައްވާފައިވާ އަނާރާ ނައީމް, ޕީއެޗްޑީ ހާސިލުކުރެއްވީ 2021 ވަނަ އަހަރުއެވެ.

އަނާރާ ޕީއެޗްޑީ ހާސިލު ކުރެއްވީ އިސްލާމިކް ޖުޑިޝަލް ސައިންސަސް އެންޑް ލެޖިސްލޭޓިވް ޕޮލިސީގެ ދާއިރާ އިންނެވެ. ޕީއެޗްޑީއަށް އޭނާ ކިޔަވާ ވިދާޅުވީ ރާއްޖޭގެ އިސްލާމީ ޔުނިވާސިޓީންނެވެ.

އަނާރާ ވަނީ ގަތަރުން ގާނޫނާއި ޝަރީއާގެ ރޮނގުން ބެޗްލަސް ޑިގްރީ ވެސް ހާސިލް ކުރައްވާފަ އެވެ.