މިދިޔަ އާދިއްތަ ދުވަހުގެ ހެނދުނު ކ. ތުލުސްދޫގައި މޫދުގައި އޮތް ފަތުރުވެރިއެއްގެ ގައި މަތިން ދިޔަ ޑިންގީގައި ޖެހި ޓޫރިސްޓަރު މަރުވި ހާދިސާގައި ޑިންގީ ދުއްވަން އިން މީހާ ހައްޔަރުކޮށް އޭނާ 10 ދުވަހަށް ބަންދު ކޮށްފި އެވެ.
ތުލުސްދޫ ގައި ސްނޯކްލިން އަށްގޮސް އޮތް ފަތުރުވެރިއެއް ގައިގައި އެ ސަރަހައްދުން ދަތުރުކުރި ޑިންގީއެއް ޖެހި ބޮޑެތި އަނިޔާތަކެއް ލިބި އޭނާއަށް ވަނީ ލިބިފައެވެ. އަދި ތުލުސްދޫ ސިއްހީ މަރުކަޒަށް ގެންދިޔަ އިރު ވެސް އެމީހާ މަރުވެފައިވާ ކަމަށް ސިއްހީ މަރުކަޒުން ފުލުހުންނަށް މައުލޫމާތު ދީފައިވާ ކަމަށް އެ އިދާރާއިން ވަނީ ބުނެފަ އެވެ.
މި ހާދިސާ ގައި މަރުވެފައި ވަނީ ޕޮލެންޑުގެ 52 އަހަރުގެ ފިރިހެނެކެވެ.
މި ހާދިސާ އާއި ގުޅިގެން ފުލުހުންގެ މީޑިއާ އޮފިޝަލް މިއަދު ވިދާޅުވީ މި މަހުގެ 31 ވަނަ ދުވަހު 45 އަހަރުގެ ދިވެހި ފިރިހަނަކު ހައްޔަރުކޮށްފައިވާކަމަށެވެ. އަދި އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުގެ ބަންދަށް 10 ދުވަސްޖަހާފައިވާކަމަށް ފުލުހުން ވަނީ ބުނެފައެވެ.
އިތުރަށް ފުލުހުން ބުނީ ލޯންޗު ދުއްވި މީހާއަކީ ކަނޑު އުޅަނދު ދުއްވުމުގެ ލައިސަންސް ނެތް މީހެއް ކަމަށެވެ.
Advertisement
This content is created and paid for by advertisers and does not involve Voice Journalists
