ތުރްކިޔޭ އާއި ސީރިޔާ އަށް އަނެއްކާވެސް ބިންހެލުމެއް އައިސްފިއެވެ.

7.5 މެގްނެޓިޔުޓްގެ ބާރުމިނުގައި އައި މި ބިންހެލުން އައިސްފައިވަނީ އެ ދެޤައުމަށް ކުރިންވެސް ބިންހެލުން އައި ސަރަހައްދަށެވެ.

މި ބިންހެލުންތަކުގައި މިހާތަނަށް ސީރިޔާއިން 582 މީހުން، ތުރްކިޔޭ އިން 1014 މީހުން ވަނީ މަރުވެފައެވެ. ބިން ހެލުމުގެ އިހްސާސް ގްރީންލޭންޑާއި ޑެންމާކަށް ކޮށްފައިވާކަމަށް ގްރީންލޭންގެ ޖިއޮލޮޖިކަލް ސާވޭއިން ވަނީ ބުނެފައެވެ.

"ބިންހެލުމުގެ 8 މިނިޓް ފަހުންވެސް ބިންގަނޑު ދިޔައީ ހެލުވެމުން، އޭގެ އަސަރު ގްރީންލޭންޑްގެ އިރުމަތީ އައްސޭރިފަށަށް ވެސް ވަނީ ކޮށްފައި،" އޭއެފްޕީ ނިއުސް އެޖެންސީ އަށް ސެއިސްމޮލޮޖިސްޓް ޓައިން ލާސެން ވިދާޅުވެފައިވެއެވެ.

ބިންހެލުން އައިސް ލިބިފައިވާ ގެއްލުންތަކަށް އެހީތެރިވުމަށް އެތައް ޤައުމަކުން ވަނީ އިސްނަގައިފައެވެ.