ގެއްލިފައިވާ ރޯދައިގެ ބަދަލުގައި މިސްކީނެއްގެ ކެއުން ހަމަޖެއްސޭނެ ގޮތް އެހީ ޖަމިއްޔާ އިން ފަހިކޮށްދެމުންދާ ކަމަށް އެ ޖަމިއްޔާ އިން ބުނެފި އެވެ.
އެހީ ޖަމިއްޔާ އިން ބުނީ، މިއީ އެ ޖަމިއްޔާއިން މެދު ނުކެނޑި 10 އަހަރު ވަންދެން ކުރަމުން އައި މަސައްކަތެއް ކަމަށެވެ. އެގޮތުން ގެއްލިފައިވާ ކޮންމެ ރޯދައަކަށް -/75 ރުފިޔާއަށް މިސްކީނެއްގެ ކެއުން އެ ޖަމިއްޔާ އިން އަންނަނީ ހަމަޖައްސައިދެމުންނެވެ.
ގެއްލުނު ރޯދައިގެ ބަދަލު މިސްކީނަކަށް ކާންދޭން ބޭނުންވާ ނަމަ، ތިރީގައިވާ އެކައުންޓަށް ފައިސާ ޖަމާކުރެއްވުމަށްފަހު 7803433 އަށް ރޯދައިގެ ޢަދަދު ޖެހުމަށް ފަހު ވައިބާރ ކޮށްލުމުން އެކަން ހަމަޖެހިގެންދާނެ ކަމަށް އެހީ ޖަމިއްޔާ އިން ބުނެއެވެ.
ބީ.އެމް.އެލް އިސްލާމިކް އެކައުންޓް ނަމްބަރ: 7770000014821
އެކައުންޓް ނަން: އެހީ ޖަމިއްޔާ
މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ %12.5، ހަރަކާތް ރާވާ ހިންގުމުގެ ހަރަދު ތަކަށް ބޭނުންކުރެވިގެން ދާނެ ކަމަށްވެސް އެހީ ޖަމިއްޔާ އިން ވަނީ ބުނެފަ އެވެ.
2012 ވަނަ އަހަރު އުފެއްދި އެހީ ޖަމިއްޔާ އަކީ، ހިއުމެނިޓޭރިއަން ނުވަތަ އިންސާނިއްޔަތަށް ހިދުމަތް ކުރަން ރާއްޖޭގައި މަސައްކަތް ފެށި ފުރަތަމަ އަމިއްލަ ޖަމިއްޔާ އަށް ވާނެ އެވެ. އެހީ ފޯރުކޮށްދޭން ބޭނުންވާ މީހުންނަށް "އެހީ ޖަމިއްޔާ" ގެ ތެރެއިން އެ ފުރުސަތު ހޯދައިދީ ނިކަމެތިންނަށް ޖަމާއީ ގޮތެއްގައި އެ ޖަމިއްޔާއިން އަންނަނީ އެހީތެރިކަން ފޯރުކޮށްދެމުންނެވެ. އެގޮތުން ރާއްޖޭގައި އުޅޭ ނިކަމެތިންނަށް އެހީ ފޯރުކޮށްދީ، ނިކަމެތިންގެ ދިރިއުޅުން ތަރައްގީކޮށްދިނުމަށް އެޖަމިއްޔާއިން އަންނަނީ ކެނޑިނޭޅި މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
