އެމެރިކާގެ ކުރީގެ ރައީސް ބަރަކް އޮބާމާ އަކީވެސް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ފަދަ ހެޔޮ ވެރިއެއް ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެންބަރު މުހައްމަދު ނިހާދު ވިދާޅުވެއްޖެއެވެ.
މާލެ ސަރަހައްދުގައި ދިރިއުޅޭ ފަރާތްތައް ދަތުރު ދިޔުމަށް ތަރައްގީ ކުރި ކުޑަގިރި ހުޅުވުމަށް އިއްޔެ ބޭއްވި ރަސްމިއްޔާތުގައި ވާހަކަދައްކަވަމުން، އެޑިއުކޭޝަން ދާއިރާގައި ތައުލީމު އުނގެނެމުންދާ ކުދިން ދަތުރު އައިސް ކޭމްޕުކޮށް ސްކައުންޓުންނާއި ގާލްގައިޑުންނާއި، ކިޔަވާ ކުދިންނަށް ޚާއްސަ ރަށެއް ގާއިމް ކުރާނެ ކަމަށް ރައީސް ޞާލިހް ވިދާޅުވުމާއި ގުޅިގެން ނިހާދު ކުރެއްވި ޓްވީޓެއްގައި އޭނާ ވަނީ ރައީސް އަށް ވަރަށް ބޮޑަށް ތައުރީފް ކުރައްވާފައެވެ.
އެގޮތުން ރައީސް ޞާލިހު ފަދަ ހެޔޮ ރައީސް އެއް އަދި މި ގައުމަކަށް ނުލިބޭ ކަމަށާ، އެމަނިކުފާނަކީ އަޚްލާގީ ގޮތުން ރަނގަޅު، ބަސްމަގު ރިވެތި މަޑުމައިތިރި ރައީސް އެއް ކަަމަށް ނިހާދު ވިދާޅުވިއެވެ.
"މިވަރުގެ އަޚްލާގީގޮތުން ރަނގަޅު، ބަސްމަގު ރީތި، މަޑުމައިތިރި ރައީސް އެއް ކަހަލަ ރައީސުން ވަރަށް މަދު! އޮބާމާ އަކީ ވެސް އެކަހަލަ ރައީސް އެއް" ނިހާދު ވިދާޅުވި އެވެ.
މީގެ ކުރިން ވެސް ނިހާދު ވަނީ ރައީސް ޞާލިހާއި އޮބާމާ އާއި އެއްގޮތް ކޮށް ޓުވީޓެއް ކުރައްވާފައެވެ. އޭގެ ސަބަބުން ގިނަ ބައެއްގެ ފާޑުކިޔުންތައް އޭނާ އަށް އަމާޒުވެފައި ވެއެވެ.
Advertisement
This content is created and paid for by advertisers and does not involve Voice Journalists
