ދަމަނަ ވެށިން އާންމުންނަށް ފޯރުކޮށްދޭ ޙިދުމަތްތަކުގެ ގަޑިތަކަށް ބަދަލު ގެނެސްފިއެވެ.

އެގޮތުން ދަމަނަ ވެށިން ނެރުން އިއުލާނެއްގައި މިއަދުން ފެށިގެން ދަމަނަވެށީގައި ކުޑަކުދިންނަށް ކޮވިޑް ވެކްސިން ޖަހަން ފެށުމަށް ހަމަ ޖެހިފައިވާތީ، އާއްމުންނަށް ފޯރުކޮށްދޭ ޙިދުމަތްތަކުގެ ގަޑިތަކަށް އައި ބަދަލުތައް ވަނީ އާންމުކޮށްފައެވެ.

އެގޮތުން ހެނދުނު 8:30 އިން މެންދުރު 12:00 އަށް އީޕީއައި އަދި އޮޕްޝަނަލް ވެކްސިންގެ ޙިދުމަތް ދިނުމަށް ހަމަ ޖެހިފައިވެއެެވެ.

އަދި ހެނދުނު 8:30 އިން މެންދުރު 14:30 އަށް ކުޑާކުދިންގެ ގްރޯތްމޮނިޓާރިން ޙިދުމަތް، އާއިލާ ރޭވުމާ ބެހޭ ޙިދުމަތް، އާއްމު ބަލިތަކަށް ޑޮކްޓާރަށް ދެއްކުމުގެ ޙީދުމަތް ދިނުމަށް ވަނީ ހަމަ ޖެހިފައެވެ.

މީގެ އިތުރުން ހެނދުނު 8:30 އިން މެންދުރު 12:30 އަށް ޓްރެވަލް ވެކްސިންގެ ހިދުމަތް ދެވިގެން ދާނެއެވެ.

އެން.ސީ.ޑީ ކްލިނިކް، ޓޮބޭކޯ ސިޒޭޝަން ކްލޮނިކް، އެޑޮލަސަންޓް ކްލިނިކްގެ ޙިދުމަތް ދެވިގެން ދާނީ ހެދުނު  8:30އިން މެންދުރު 13:30 އަކަށެވެ.

މިއާއިއެކު އެޕޮއިންޓްމެޓް ހަމަޖެހޭ ގަޑިތަކުގައި ހެނދުނު 8:30އިން މެންދުރު 13:30 އަށް ކައުންސެލިންގެ ޙިދުމަތް އަދި ސައިކޯސޯޝަލް ސަޕޯޓް ސަރވިސްގެ ޙިދުމަތް ދެވިގެން ދާނެއެވެ.

ބޮޑެތި މީުން އަދި ކުޑަކުދިންގެ ކޮވިޑް ވެކްސިން ދިނުމުގެ ޙިދުމަތް ދެވިގެން ދާނީ މެންދުރު 13:30 އިން މެންދުރު 15:00 އަކަށެވެ.