ޣިޔާސުއްދީން އިންޓަރނޭޝަނަލް ސްކޫލްގެ ޤްރޭޑް 8 އަދި 9 ގެ ދަރިވަރުންގެ ފަރާތުން ބިންހެލުމުގެެ ސަބަބުން ހާލުގައި ޖެހިފައިތިބި ތުރުކިޔޭ އަދި ސީރިޔާގެ ރައްޔިތުންނަށް 50,000 ރުފިޔާ ހަދިޔާ ކޮށްފިއެެވެ.

އެގޮތުން ޣިޔާސުއްދީން ސްކޫލްއިން ބުނެފައިވަނީ މި ފައިސާއަކީ  2019 އަދި 2022 އަހަރު ބޭއްވުނު އޭބީއީ ފެއާ އިން ލިބުނު ފައިސާ ކަމަށެވެ. އަދި މި ރުފިޔާ ހަދިޔާ ކޮށްފައިވަނީ މި ބިންހެލުމުގެ ސަބަބުން ހާލުގައި ޖެހިފައިވާ މީހުންނަށް އެހީތެރިވުމަށް މަސައްކަތް ކުރާ ޖަމްއިއްޔާ، އިންޓަރނެޝަނަލް އެއިޑް ކެމްޕެއިން އަށެވެ.

އިންޓަރނެޝަނަލް އެއިޑް ކެމްޕެއިން ޖަމްއިއްޔާއިން ހުޅުވާލައިފައިވާ ފަންޑަށް 4.2 މިލިއަނަށްވުރެ ގިނަ ރުފިޔާ ވަނީ ލިބިފައެވެ.

މީގެ އިތުރުން ދިވެހި ރެޑް ކްރެސެންޓްގެ ފަރާތުން ހުޅުވާފައިވާ ފަންޑަށް 2.9 މިލިއަން ރުފިޔާ ވެސް ވަނީ ލިބިފައެވެ.

ކާރިސާގައި މަރުވި މީހުންގެ ޢަދަދު މިހާރުވަނީ 44،000 އަށް އަރައިފައެވެ. ތުރްކިޔޭ އިން 38،044 މީހުން މަރުވެފައިވާއިރު ސީރިޔާ އިން 5،800 މީހުން ވަނީ މަރުވެފައެވެ.