އަޅުގަނޑުމެންގެ ލޯމަތިން އަބަދު ފެންނަން ހުއްޓަސް، ޓިނަކީ އެއާއިމެދު އާއްމުކޮށް މީހުން ވިސްނައި އުޅޭ އެއްޗެއްނޫނެވެ. 

އެއީއާއްމު ދިރިއުޅުމުގައި ބޭނުންކުރާ އެއްޗަކަށް ނުވުމުންކަމަށް ވެދާނެ އެވެ. ނަމަވެސް ގެ ރާނައި ނިމުމުން އެންމެ ފުރަތަމަ ކުރާނެ އެއްކަމަކީ ވިހާވެސް އަވަހަކަށް ހިޔާކުރުމުގެ މަސައްކަތެވެ.

މި މަސައްކަތުގެ ތެރެއިން އެސްޓީއޯ އަދި ރެއިންބޯ ފަދަ އެތައް ތަނަކުން ކޮޓޭޝަން ހޯދައި ރަގަޅު އަގެއް ދޭ ފަރާތަކުން ޓިނުނަގައެވެ. ނަމަވެސް މީއީ ކޮންތަނަކުން އައި ކޮންބައެއް ތައްޔާތުރުކުރި ޓިނެއްތޯ ބަލައިލަނީ ކިތައްމީހުންތޯއެވެ؟

އާއްމު ގޮތެއްގައި އެނގިފައި އޮންނަނީ، މި ގަނެވެނީ އެސްޓީއޯ ނުވަތަ ރެއިންބޯގެ ޓިނުކަމެވެ. އެކަމަކު މި ދެކުންފުންޏަކީ ހަމައެކަނި ޓިނު ވިއްކުމުގެ މަސައްކަތް ކުރާ ދެ ކުންފުނިކަންއެނގިލައްވާތޯއެވެ؟

މޯލްޑިވްސް ސްޓްރަކްޗަރަލް ޕްރޮޑަކްޓްސް ޕލޑ ނުވަތަ އެމް.އެސް.ޕީ އިން ރާއްޖޭގައި ޓިނު އުފައްދާތާ 22 އަހަރު ވެއްޖެ އެވެ. އެމް.އެސް.ޕީ އަކީ އެސްޓީއޯ އަދި ރެއިންބޯ ގުޅިގެން، 2000 ވަނަ އަހަރު އުފައްދާފައިވާ ޖޮއިންޓްވެންޗާރ ކުންފުންޏެކެވެ.

ތިލަފުށީގައި ޓިނު އުފެއްދުމުގެ މަސައްކަތްކުރާ އެމް.އެސް.ޕީގެ އޮފީސް ހުންނަނީ އަލިކިލޭގެފާނުމަގުގެ މާރލިންސްޕައިކް ބިލްޑިންގް 2 ވަނަ ފަންގިފިލާގައިއެވެ.  ޓިނުއުފެއްދުމުގައި، އެމް.އެސް.ޕީއައްވުރެ ތަޖުރިބާކާރު އެހެން ކުންފުންޏެއް ރާއްޖޭގައި ނެތެވެ. ނަމަވެސް އެމް.އެސް.ޕީއަކީ ކޮންބައެއްކަން އެނގެނީ އަޅުގަނޑުމެންގެ ތެރެއިން ކިތައްމީހުންނަށްތޯއެވެ؟

އެމް.އެސް.ޕީއިން 4 ބްރޭންޑެއްގެ ޓިނާއިއެކު އޭގެ އެކްސެސަރީސްވެސް އުފައްދައެވެ. އެއީ ކަލަރބޮންޑް، ޒިންކަލޫމް، ޑިއުރަޑެކް އަދި ގަދަޓެކް ބްރޭންޑުގެ ޓިނެވެ.

މީގެތެރެއިން ކަލަރބޮންޑް އަދި ޒިންކަލޫމް ޓިނަކީ، ދުނިޔޭގެ އެކި ކަންކޮޅުތަކުގައި މަގުބޫލުކަންހޯދާފައިވާ އޮސްޓްރޭލީއާގެ ބްލޫ ސްކޯޕް ކުންފުނީގެ ޓިނެކެވެ.

މިއީ އެތަކެއް ދިރާސާތަކެއްކޮށް، ރާއްޖެފަދަ ލޮނުގެ އަސަރު ވައިގައި ހިފާފައި ހުންނަ ތަންތަނަށާއި، ފުރާޅުން ރޭވިގެންދާ ވާރޭފެން ބޭނުން ކުރާ ފާރާތްތަކަށް ހާއްސަކޮށް އުފައްދާފައިވާ ޓިނެކެވެ.

ކަލަރބޮންޑުގެ 7 ކުލައެއް ލިބެންހުރެއެވެ. ޑިއުރަޑެކް ބްރޭންޑް އަކީ އަގުހެޔޮކޮށް ކުލަޓިނުގަންނަން ބޭނުންވާފަރާތްތަކަށް ހާއްސަކޮށްގެން އުފައްދާފައިވާ ޓިނަކަށް ވާއިރު، ގަދަޓެކް ޓިނަކީ އާދައިގެ މަގުހިމަ ޓިނަށްވުރެ މޮޅު، ޒިންކް-އެލުމިނިއަމް ބޭނުންކޮގެން އުފައްދާފައިވާ ޓިނެކެވެ. މީގެއިތުރުން އެމް.އެސް.ޕީއިން އާއްމުކޮށް އުފައްދާ އެކްސެސަރީސްގެ ތެރޭގައި ތިންބި، ފެންފަށް، އަރި ކިންބީގެ އިތުރުން ދިޔަދޮވިއާއި އަޑި ދިޔާދޮވި ހިމެނެއެވެ. 

އެމް.އެސް.ޕީ ޓިނާއިބެހޭ އިތުރުމައުލޫމާތު އެމް.އެސް.ޕީގެ ވެބްސައިޓް www.msp.com.mv ލިބެން ހުންނާނެއެވެ. އަދި 3337720 އަށް ގުޅުއްވައިގެންވެސް މައުލޫމާތު ސާފުކުރެވިދާނެއެވެ. އެމް.އެސް.ޕީ ޓިނު ލިބެންހުންނާނީ އެސްޓީއޯ އަދި ރެއިންބޯގެ ފިހާރަތަކުން އެކަންޏެވެ.