މާލޭގައި ފުލުހުން ރޭ ހިންގި އޮޕަރޭޝަނެއްގައި ހަށިވިއްކަމުންދިޔަ ދިވެއްސަކާއި 3 ބިދޭސީން ހައްޔަރުކޮށްފިއެވެ. 

ފުލުހުން ވިދާޅުވީ، މާލޭގައި ރޭ ހިންގި އޮޕަރޭޝަނެއްގައި ހަށިވިއްކާ ކަމަށް ތުހުމަތު ކުރެވޭ މައްސަލަ އެއްގައި، "ރޯޅި ގެސްޓް ހައުސް" ބަލައި ފާސްކޮށް، ހަތަރު މީހުން ހައްޔަރު ކޮށްފައިވާ ކަމަށެވެ. 

އެގޮތުން ހައްޔަރު ކުރެވުނީ 43 އަހަރުގެ ދިވެހި ފިރިހެނަކާއި، 43 އަހަރުގެ ބިދޭސީ ފިރިހެނަކާއި، 31 އަހަރުގެ ބިދޭސީ އަންހެނަކާއި، 36 އަހަރުގެ ބިދޭސީ އަންހެނެއް ކަމަށްވެސް ފުލުހުން ވިދާޅުވި އެވެ.  

Advertisement

"މި ހަތަރު މީހުންގެ ތެރެއިން ދިވެހި ފިރިހެން މީހާ އާއި ބިދޭސީ އަންހެނަކު ހައްޔަރު ކޮށްފައިވަނީ ޖިންސީ ގުޅުން ހިންގަމުން ދަނިކޮށް" ފުލުހުން ބުނެފައިވެއެވެ. 

މީގެ އިތުރުން ފުލުހުން ބުނީ، މި މައްސަލަ ފުލުހުން ތަހުގީގު ކުރަމުންދާ ކަމަށެވެ. 

މިފަހަކަށް އައިސް ފާޅުގައި އިޝްތިހާރު ކޮށްގެން ހަށިވިއްކާ ތަންތަން ހިންގާއިރު އެކަން ނުހުއްޓުވާތީ އާއްމުންގެ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.