ޖުމްހޫރީ ޕާޓީގެ ނައިބު ލީޑަރުގެ މަޤާމު ޓްރާންސްޕޯޓު މިނިސްޓަރު އައިޝަތު ނަހުލާ ކަށަވަރުކުރައްވައިފި އެވެ.
ޖޭޕީގެ 7 މަޤާމަކަށް ބޭފުޅުން އިންތިޚާބުކުރުމަށް ވޯޓު ނަގާފައިވާއިރު އެންމެ ވާދަވެރި މަގާމަކީ ނައިބު ލީޑަރުކަމުގެ މަގާމެވެ. އެ މަގާމަށް 4 ބޭފުޅުން އިންތިޚާބުކުރާނެއެވެ.
މިހާތަނައް ގުނި ވޯޓުތަކުން ތަފާތު ބޮޑުކޮށް ކުރި ހޯދައި މިނިސްޓަރު ނަހުލާ ވަނީ ނައިބު ލީޑަރުކަމުގެ މަގާމު ކަށަވަރު ކުރައްވާފަ އެވެ. ދެން ތިއްބެވި ފަރާތްތަކުން ގާތްގަަތުގައި ވޯޓު ލިބިފައިވުމުން އަދި ބާކީ ހުރި ނައިބު ލީޑަރުން ކަށަވަރުނުވެއެވެ.
އެ މަގާމަށް 12 ބޭފުޅުން ކުރިމަތިލައްވާފައި ވާއިރު ނަހުލާގެ އިތުރުން އަދި ތިން ނައިބުން އިންތިޚާބު ކުރައްވާނެ އެވެ.
ނައިބު ލީޑަރުންގެ އިތުރުން ކައުންސިލް މެމްބަރުންނާއި، ލީގުތަކުގެ މެމްބަރުންނާއި ރައީސުން އަދި ނައިބު ރައީސުންނާއި ސެކެޓްރީން މިހާރު ކުރިއަށްދާ ގައުމީ ކޮންފަރެންސްގެ ތެރެއިން އިންތިޚާބު ކުރާނެއެވެ.
ޖޭޕީގެ ގައުމީ ކޮންފަރެންސްއަކީ ކުރިއަށް ރިޔާސީ އިންތިޚާބަށް ތައްޔާރުވުމަށް، އަދި ޕާޓީ ރިފޯމުކުރުމުގެ މަސައްކަތް ކުރުމަށް މުހިންމު ކަންތައްތަކެއް ނިންމާނެ ކޮނަފަރެންސްއެއްކަމަށް އެ ޕާޓީން ވަނީ ބުނެފައެވެ.
އެގޮތުން ޕާޓީގެ ހިންގުން ހަރުދަނާކުރުމަށް އިސް ސަފު ރުކުރުވާލުމުގެ މަސައްކަތް މިހާރު ކުރިއަށްދާއިރު، ޕާޓީން ވަކި ކެންޑިޑޭޓަކު ނެރެގެން އިންތިޚާބުގައި ވާދަކުރުމަށް ގައުމީ ކޮންފަރެންސްގެ އިއްތިފާގުން ވަނީ ފާސްކޮށްފަ އެވެ. އެއާއެކު އެ ނިންމުން ކައުންސިލަށް ހުށައެޅުމަށް ޕާޓީގެ ލީޑަރު ވަނީ ނިންމަވާފަ އެވެ.
Advertisement
This content is created and paid for by advertisers and does not involve Voice Journalists
