އަދާލަތު ޕާޓީގެ ގޮފިތަކުގެ ހިންގާ ކޮމެޓީގެ މަގާމުތަކަށް ކުރިމަތިލުމުގެ ފުރުސަތު ހުޅުވާލައިފި އެވެ. 

އެގޮތުން ރައީސުންނާއި ނައިބު ރައީސުން ހިމެނޭހެން އަދާލަތު ޕާޓީގެ ހިންގާ ކޮމެޓީތަކުގެ 9 މަގާމަކަށް ކުރިމަތިލުމަށް އެ ޕާޓީން ވަނީ ހުޅުވާލައިފައެވެ. 

1- ރައީސް

2- ނައިބުރައީސް

3- ސެކްރެޓަރީ

4- ސެކްރެޓަރީގެ ނައިބު

5- ޚަޒާންދާރު

6- މީޑިއާ ކޯޑިނޭޓަރ

7- ޔުނިޓުތަކުގެ މަންދޫބުން

8- އަންހެނުންގެ ކޮމިޓީގެ ރައީސާ

9- ޒުވާނުންގެ ކޮމިޓީގެ ރައީސް  

އަދާލަތު ޕާޓީގެ ހިންގާ ކޮމެޓީގެ އިންތިޚާބު ބޭއްވުމަށް ހަމަޖެހިފައިވަނީ 1 އޭޕްރީލް 2023 ވާ ހޮނިހިރު ދުވަހުގެ ހެދުނު 9:00 އިން ފެށިގެން މެންދުރު ފަހު 3:00 ގެ ނިޔަލަށެވެ.

ގޮފިތަކުގެ ހުންގާ ކޮމެޓީގެ މަގާމަށް ކުރިމަތިލުމުގެ ފުރުސަތު އަދާލަތުން ހުޅުވާލާފައިވާއިރު، ކެންޑިޑޭޓުންގެ ގޮތުގައި ކުރިމަތިލުމަށް ފޯމު ހުށައެޅުމުގެ މުއްދަތު 8 މާރިޗު 2023 ވާ ބުދަ ދުވަހުގެ މެންދުރު ފަހު 3:00 އާ ހަމައަށް ވަނީ ހުޅުވާލާފައެވެ.

އެޕާޓީން ބުނީ ގޮފިތަކުގެ ހިންގާ ކޮމިޓީތަކުގެ މަޤާމްތަކަށް ކުރިމަތިލާ ފަރާތްތަކަކީ ޕާޓީގެ މެންބަރުން ކަމުގައި ވާންޖެހޭނެކަމަށެވެ. ޕާޓީގެ މެންބަރުކަމުގެ ފޯމް ފުރުމަށްފަހު ރަޖިސްޓްރާ ފޯމް ބަލައިގަންނަ ހިސާބުން މި އިންތިޚާބުގެ ބޭނުމަށް އެއީ މެންބަރެއް ކަމުގައި ބެލެވޭނެކަމަށް އަދާލަތުން ވަނީ ބުނެފައެވެ. 

ކުރިމަތި ލުމަށް އެދޭ ފަރާތްތަކުން، ކުރިމަތިލުމަށް އެދޭ ފަރާތްތަކުން (link.adhaalath.com/gofi) ވާ ފޯމް ފުރިހަމަކުރެއްވުން އެޕާޓީން ވަނީ އެދިފައެވެ.

އަދާލަތު ޕާޓީގެ އެތެރޭގެ މި އިންތިޚާބަކީ ކުރިއަށް އޮތް ރިޔާސީ އިންތިޚާބަށް އެ ޕާޓީން ތައްޔާރުވެ، ޕާޓީގެ ހިންގުން އިހުނަށްވުރެ ހަރަދަނާކުރުމަށް ބާއްވާ އިންތިޚާބެކެވެ.

ކުރިއަށް އޮތް ރިޔާސީ އިންތިޚާބުގައި އެމްޑީޕީއަށް ތާއީދުކޮށް، އެ ޕާޓީގެ ރިޔާސީ ކެންޑިޑޭޓު ރައީސުލްޖުމްހޫރިއްޔާ އާއެކު ކޯލިޝަން ހެދުމަށް އަދާލަތުން ވަނީ ނިންމާ އެކަން އިއުލާނުކޮށްފަ އެވެ.