މި އަހަރުގައި އުފެދިގެން އަންނަ، އެމްޑީއޭ ހިމެނޭ ކޯލިޝަން ސަރުކާރު ވެގެންދާނީ ދިވެހި ރައްޔިތުންނަށް ފުދުންތެރިކަން ގެނެސްދޭނެ ސަރުކާރަކަށް ކަަމަށް އެމްޑީއޭގެ ރައީސް އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހުމަދު ސިޔާމް ވިދާޅުވެއްޖެއެވެ. 

ޝިޔާމް މިފަދައިން ވިދާޅުވެފައި ވަނީ މިއަހަރުގެ ރިޔާސީ އިންތިހާބާއި ގުޅިގެން ކުރެއްވި ޓުވީޓެއްގަ އެވެ. 

މި ސެޕްޓެމްބަރު މަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރައްވާ، ކެންޑިޑޭޓަކީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ކަމަށް އެ ޕާޓީގެ ރިޔާސީ ޕްރައިމަރީގެ ނަތީޖާއިން ކަށަވަރުވެފައިވާއިރު، އެމަނިކުފާނު އަންނަނީ އެ އިންތިހާބުގައި ވެސް ކޯލިޝަން ސަރުކާރެއް އެކުލަވައިލުމުގެ މަސައްކަތް ކުރައްވަމުންނެވެ. 

އެގޮތުން، އެމްޑީއޭއާއި އަދުގެ ސަރުކާރުގެ ކޯލިޝަންގައި ހިމެނޭ އަދާލަތު ޕާޓީ އާއި، ޖުމްހޫރީ ޕާޓީގެ އިތުރުން އެމްއާރްއެމް އަށްވެސް ވަނީ ކޯލިޝަން ހެދުމަށް ދަޢުވަތު އަރުވާފައެވެ. 

ރައީސް ޞާލިހު ގެ ދައުވަތު ގަބޫލު ކޮށް އަދާލަތު ޕާޓީ އާއި އެމްޑީއޭ އިން ވަނީ ރައީސް ޞާލިހާއި އެކު ކޯލިޝަން ހެދުމަށް ނިންމާފައެވެ. 

އަދި، އެމްޑީއޭއިން އަންނަނީ ރައީސް ޞާލިހަށް އިންތިޚާބު ކާމިޔާބު ކޮށްދެއްވުމަށް އެ ޕާޓީގެ މެންބަރުންނާއި އެކު ގިނަ މަޝްވަރާތަކެއް ކޮށް ކެންޕެއިންގެ ކަންތައް ރާވަމުންނެވެ.