ޕީޕީއެމް/ޕީއެންސީ ކޯލިޝަންގެ ލީޑާޝިޕް ހިމެނޭހެން އެ ޕާޓީގެ އިސް ބޭފުޅުންގެ ޓީމެއް ގުރައިދޫ ދާއިރާގެ ރަށްތަކަށް ވަޑައިގެންފިއެވެ.
ޕީޕީއެމުން ބުނީ، އެ ދަތުރަކީ އެ ޕާޓީގެ ޓިކެޓް ގައި ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެންބަރުކަން ކުރައްވަމުން ދިޔަ، އިބްރާހިމް ރިޒާ އަވަހާރަވުމުން އެ ދާއިރާގެ ރައްޔިތުންގެ ހިތާމާގައި ބައިވެރިވެ، ރިޒާގެ ޢާއިލާއާއި ދާއިރާގެ ރައްޔިތުންނާއި ބައްދަލު ކުރުމަށް ކުރި ދަތުރެއް ކަމަށެވެ.
ޕީޕީއެމް ޕީއެންސީގެ ޓީމުން ކުރައްވަމުންދާ މި ދަތުރުފުޅުގައި އެ ދާއިރާގައި ހިމެނޭ ގުރައިދޫ މާފުށި އަދި ގުޅިއަށްވެސް ވަޑައިގަންނަވާނެ ކަމަށް އެ ޕާޓީން ބުނެއެވެ.
މި ދަތުރުގައި ޕީޕީއެމްގެ ޕާލިމެންޓްރީ ގްރޫޕްގެ ލީޑަރު އާދަމް ޝަރީފް ޢުމަރާއި ޕީއެންސީގެ ރައީސް އަބްދުއްރަހީމް އަބްދުالله (އަދުރޭ) ވެސް ބައިވެރިވަޑައިގެންފައިވެއެވެ.
ރިޒާ އަވަހާރަވީ މެލޭޝިޔާގައި ކެންސަރަށް ފަރުވާ ހޯއްދަވަމުން ގެންދަވާނިކޮށް ފާއިތުވި ފެބްރުއަރީ މަހުގެ 22 ވަނަ ދުވަހުގެ ރޭގައެވެ.
ރިޒާއަކީ އަކީ 17 ވަނަ ރައްޔިތުންގެ މަޖިލީހުން ފެށިގެން ކ. ގުރައިދޫ ދާއިރާގެ މެމްބަރުކަން ކުރައްވަމުން ގެންދެވި ފަރާތެވެ.
Advertisement
This content is created and paid for by advertisers and does not involve Voice Journalists
