ހައި ކޯޓްގެ އިސް ފަނޑިޔާރުކަމުގެ މަޤާމް ހުސްވެފައިވުމާއި ގުޅިގެން މި މަޤާމަށް ކުރިމަތި ލުމުގެ ފުރުސަތު ޖުޑީޝަލް ސަރވިސް ކޮމިޝަން (ޖޭއެސްސީ) އިން ހުޅުވާލައިފިއެވެ.
މިއަދު މި ކޮމިޝަނުން ނެރެފައިވާ އިއުލާނެއްގައިވަނީ މި މަޤާމަކީ ހައިކޯޓަށް ޢައްޔަންކުރެވިފައިވާ، އެ ކޯޓުގައި މަސައްކަތް ކުރައްވަމުންގެންދަވާ ފަނޑިޔާރުންނަށް ހުޅުވާލެވިފައިވާ ފުރުޞަތެކެއް ކަމަށެވެ.
އެގޮތުން މިމަގާމަށް އަސާސީ މުސާރައިގެ ގޮތުގައި ލިބޭ 38000 ރުފިޔާގެ އިތުރުން ލިވިންގ އެލަވަންސް އަދި ރިސްކް އެލަވަނސް ގެ ގޮތުގައި 18300 ލިިބެެއެވެ.
މީގެ އިތުރުން ހެލްތް އިންޝުއަރެސްއާއި ފޯން އެލަވަންސްވެސް ރައްޔިތުންގެ މަޖިލީހުން ކަނޑައަޅާފއިވާ ގޮތުގެ މަތީން ލިބިދެވޭނެ ކަމަށް ވެސް އިއުލާނުގައިވެއެވެ.
މި އިޢުލާންގައިވާ އިސްފަނޑިޔާރުކަމަށް ކުރިމަތިލާ ފަރާތްތައް ނެގުމުގައި އަމަލުކުރާނީ "ކޯޓުތަކަށް އިސް ފަނޑިޔާރުން ޢައްޔަންކުރުމުގައި ޢަމަލުކުރާނެ ގޮތުގެ ގަވާއިދު" ގައިވާ ގޮތުގެމަތީން ކަމަށް ޖޭއެސްސީއިން ވަނީ ފާހަގަ ކޮށްފައިވެއެވެ.
މިއާއިއެކު މި މަޤާމަށްލުމުގެ ފުރުސަތު ހުޅުވާލެވިފައިވަނީ މިމަހުގެ 20 ވަނަ ދުވަހުގެ 12:00 ގެ ނިޔަލަށް ކަމަށްވެސް ވަނީ ފާހަގަކޮށްފައެވެ.
ހައި ކޯޓުގެ އިސްފަނޑިޔާރުގެ ގޮތުގައި ހުންނެވި ހާތިފް ހިލްމީ ރިޓަޔާ ކުރެއްވުމުން މަޤާމް ހުސްވުމާއި ގުޅިގެން އެ ކޯޓުގެ ހިންގުމާއި ވަގުތީ ގޮތުން މިހާރު ހަވާލުވެފައިވަނީ ފަނޑިޔާރު ހުސައިން ޝަހީދެވެ.
Advertisement
This content is created and paid for by advertisers and does not involve Voice Journalists
