މުއްދަތު ހަމަވެފައިވާ ލައިސަންސް ބޭނުން ކުރެވޭ މުއްދަތު އަނެއްކާވެސް ޓްރާންސްޕޯޓް މިނިސްޓްރީން އިތުރުކޮށްފިއެވެ.

ޓްރާންސްޕޯޓް މިނިސްޓްރީން ކޮށްފައިވާ ޢިއުލާނެއްގައި ބުނީ، މުއްދަތު ހަމަވެފައިވާ ލައިސަންސް ބޭނުންކުރުމުގެ މުއްދަތު 31 މާރިޗު 2023 ވަނަ ދުވަހުގެ ނިޔަލަށް އިތުރުކޮށްފައިވާ ކަމަށެވެ. 

ޓްރާންސްޕޯޓް މިނިސްޓްރީން މި މުއްދަތު އިތުރު ކޮށްފައި މިވަނީ ލައިސަންސް އައު ކުރުމުގެ ހިދުމަތް ވަގުތީ ގޮތުން ހުއްޓާލާފައިވާތީ ކަމަށް އެ މިނިސްޓްރީން ބުނެއެވެ.

Advertisement

ޓްރާންސްޕޯޓް މިނިސްޓްރީން ކާޑު އާކުރުމުގެ ޚިދުމަތްތައް މެދުކަނޑާލާފައިވަނީ އެ މިނިސްޓްރީން ފޯރޮކޮށްދޭ ޚިދުމަތްތަކުގެ ފެންވަރުމަތިކޮށް ލުއިފަސޭހަކަމާއެކު ލިބޭނު އިންތިޒާމު ހަމަޖެއްސުމުގެ ގޮތުން އަލަށް ތައްޔާރުކުރެވުނު ސޮފްޓްވެއަރގެ ޚިދުމަތްތަކުގެ ތެރެއިން އެއްގަމުގައި ދުއްވާ އުޅަނދު ދުއްވުމުގެ ލައިސަންސްގެ ޚިދުމަތް ފެށުމުގެ ކުރިން ކުރަންޖެހޭ ޑޭޓާ މައިގްރޭޝަންގެ މަސައްކަތް ކުރުމަށްޓަކައެވެ.

ލައިސަންސާއި ގުޅެ ހިދުމަތްތައް މެދުކަނޑާލުމަށްފަހު، ޓްރާންސްޕޯޓް މިނިސްޓްރީން ފުރަތަމަ ވަނީ މުއްދަތު ހަމަވެފައިވާ ލައިސަންސް ފެބްރުއަރީ މަހުގެ 14 ގެ ނިޔަލަށް ބޭނުން ކުރެވޭގޮތް ހަދާފައެވެ. އަދި އޭގެ ފަހުން އެމުއްދަތު ފެބްރުއަރީގެ ނިޔަލަށް އިތުރު ކުރިއެވެ.