ތިބާގެ ވިސްނުމާ ދެކޮޅު ކޮންމެ މީހަކީ ތިމާގެ ހަތުރެއް ކަމުގައި ދެކުމަކީ އެންމެ ބުއްދިވެރި ގޮތް ތޯ ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުالله ސުވާލުކުރައްވައިފިއެވެ.
ޢިމްރާން މިފަދައިން ސުވާލު ކުރައްވާފައިވަނީ މިއަދު ހެނދުނު ކުރެއްވި ޓްވީޓެއްގައެވެ.
އެގޮތުން އެ ޓުވީޓުގައި އިމްރާން ވަނީ, ތިމާ ގަބޫލުކުރާ ގޮތާއި، ތިމާގެ ވިސްނުމާއި، ފިކުރާ ދިމާނުވާ ކޮންމެ މީހަކީ ތިމާގެ "އެނިމީ" ނުވަތަ ހަތުރެއް ކަމުގައި ހެދުމަކީ އެންމެ ބުއްދިވެރި ގޮތް ތޯ އޭނާ ވަނީ ސުވާލުކުރައްވާފައެވެ.
ރިޔާސީ އިންތިހާބާއި ދިމާކޮށް ޢިމްރާން މިފަދަ ޓުވީޓްތައް ކުރާ މިންވަރު އިތުރު ވެފައިވާއިރު، އޭނާ އަށާއި އޭނާ ނިސްބަތްވާ އަދާލަތު ޕާޓީއަށް މީހުންގެ ފާޑުކިޔުންތައް އަމާޒުވާ މިންވަރުވެސް ވަނީ އިތުރުވެފައެވެ.
ޚާއްސަކޮށް، މި ސަރުކާރުން ގެންގުޅޭ ލާދީނީ ސިޔާސަތު ތަކާއި، އަދި ހަށިވިއްކުމާއި، ފާހިޝް ޢަމަލުތަކާއި، ކުށްތަށް މި ސަރުކާރު އައި ފަހުން މުޖުތަމައުގައި އިތުރުވަމުންދާއިރު، ދީނީ ޕާޓީއެއްގެ ގޮތުގައި އޮތް އަދާލަތުން އަނެއްކާވެސް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ދެވަނަ ދައުރެއް ނިންމި ނިންމުމަށް ގިނަ ބަޔަކު އަންނަނީ ފާޑުކިޔަމުންނެވެ.
އެ ފާޑުކިޔުންތަކުގެ ދިފާއުގައި އިމްރާނާއި އަދާލަތު ސަރުކާރަށް ތާއީދު ކުރާ މެންބަރުން އަންނަނީ ގިނަ ޓުވީޓްތަކެއް ކުރަމުންނެވެ.
Advertisement
This content is created and paid for by advertisers and does not involve Voice Journalists
