ރައްޔިތުންގެ މަޖިލީހުގެ ގުރައިދޫ ދާއިރާ ބައި އިލެކްޝަންގެ އެމްޑީޕީ ޕްރައިމަރީ ކ.ގުރައިދޫ، ފައިވްރޯޒް، އިބްރާހީމް ޝާޒް ކާމިޔާބުކޮށްފިއެވެ.
ގުރައިދޫ ދާއިރާގެ ބައި އިލެކްޝަންގެ އެމްޑީޕީ ޕްރައިމަރީގައި ވާދަކުރުމަށް ހުޅުވާލި ފުރުސަތުގައި 4 ކެނޑިޑޭޓަކު ވަނީ އެ ޕްރައިމަރީ އަށް ކުރިމަތިލާފައެވެ.
އެގޮތުން ޝާޒްގެ އިތުރުން، ކ.މާފުށީ ވިވިޑް، މުޙައްމަދު މުސްތަފާއާއި، ކ. މާފުށީ، މާފަރިވާގޭ، ސަލްމާން ރަޝީދާއި، ކ.ގުރައިދޫ، ވެލި، އަބްދުالله ސަޢީދު ވަނީ ވާދަކުރައްވާފައެވެ.
ގުރައިދޫ ދާއިރާގެ އެމްޑީޕީ ޕްރައިމަރީގައި ވާދަކުރި ކެންޑިޑޭޓުންނަށް ވޯޓުލުން އެ ދާއިރާގެ ރަށްތަކާއި، މާލޭގައި ކުރިއަށް ގެންގޮސްފައިވާއިރު، ޕްރައިމަރީގެ ވަގުތީ ނަތީޖާ ދައްކާގޮތުން 56.86 އިންސައްތަ މީހުންގެ ވޯޓާއިއެކު ޕްރައިމަރީ ކާމިޔާބުކޮށްފައިވަނީ އިބްރާހީމް ޝާޒެވެ.
ގުރައިދޫ ދާއިރާގެ ގޮނޑި ހުސްވެފައިވަނީ ކުރިން އެ މަގާމު ފުރުއްވަމުންދިޔަ ޕީޕީއެމްގެ މެންބަރު އިބްރާހީމް ރިޒާ އަވަހާރާވުމާއި ގުޅިގެންނެވެ.
ގުރައިދޫ ދާއިރާގެ ޕްރައިމަރީގައި އެމްޑީޕީގެ އިތުރުން، ޕީޕީއެމާއި އެމްއެންޕީ، އަދި އެމްޓީޑީން ވެސް ވާދަކުރާނެ ކަމަށް ވަނީ އިއުލާން ކޮށްފަ އެވެ. އެގޮތުން ޕީޕީއެމުން ވާދަކުރަނީ އިބްރާހީމް ރިޒާގެ ކޮއްކޮ ޙުސައިން ރިޒާއެވެ.
ގުރައިދޫ ދާއިރާގެ ބައި-އިލެކްޝަން އޮންނާނީ އަންނަ އޭޕްރީލް މަހުގެ 15 ވަނަ ދުވަހު އެވެ.
Advertisement
This content is created and paid for by advertisers and does not involve Voice Journalists
