މަސައްކަތް ނުފަށާ ލަސްވާތީ ގދ. ނަޑެއްލާ ޒުވާނުން ނުކުމެ އެރަށު ފުޓްބޯޅަ ދަނޑުގައި ރުއް އިންދައިފިއެވެ.
އެރަށު ޒުވާނަކު ކުރި ޕޯސްޓެއްގައި ބުނީ، މި ސަރުކާރުގެ ވެރިކަން ނިމެން ގާތްވެފައި ވާއިރުވެސް އަދިވެސް އެރަށު ދަނޑުގެ މަސައްކަތް ފަށާފައި ނުވާ ކަމަށެވެ. އެހެންކަމުން ޒުވާނުން ނުކުމެ ދަނޑުގައި ރުއް އިންދީ އެކަމާ ހިތްހަމަނުޖެހުން ފާޅު ކުރުމުގެ ގޮތުން ކަމަށް އެ ޒުވާނާ ބުންޏެވެ.
އެރަށުގައި ފުޓްސަލް ދަނޑެއް އަޅަން މީގެ ތިން އަހަރު ކުރިން އިއުލާނު ކުރިކަން ފާހަގަކޮށް އެރަށު ޒުވާނަކު ބުނީ ދަނޑުގެ ސަބް ބޭސް ހަދަން އިއުލާނު ކުރީވެސް އެމްޑީޕީގެ ޕްރައިމަރީ ފެށެން އެއް ދުވަހަށް ވީފަހުން ކަމަށެވެ.
"ނަޑެއްލާގައި ޓާފް ދަޑެއް އަޅަން ބުނެ ޢިއުލާންކުރިތާ ތިން އަހަރުވެއްޖެ. އަންނަނީ އަންނަނީ ގަ ތިއްބާ މިއޮތްނިމެނީ!" އެރަށު ޒުވާނަކު ބުންޏެވެ.
ނަމަވެސް އަދިވެސް އެރަށުގެ ދަނޑު ހެދުމަށް އަމަލީ އެއްވެސް މަސައްކަތެއް ކޮށްފައި ނުވާ ކަމަށް އެރަށު ޒުވާނުން ބުނެއެވެ.
އެރަށު ކައުންސިލުން ބުނެފައި ވަނީ މިދިޔަ އަހަރުގެ އޭޕްރިލް މަހު، ދަނޑު ބޭނުން ނުކުރެވޭ ހާލަތަށް ދިޔަ ކަމަށާއި މަރާމާތު ނުކުރެވި ގިނަ ދުވަސްވަނީ ކާޕެޓް ލިބުން ދަތިވުމުން ކަމަށެވެ.
Advertisement
This content is created and paid for by advertisers and does not involve Voice Journalists
