މިއަހަރުގެ ރަމަޟާން މަހަށް ދިވެހިރާއްޖޭގެ ރައްޔިތުންނަށް ސަޢޫދީ ޢަރަބިއްޔާއިން ހަދިޔާކުރެއްވި 50 ޓަނުގެ ކަދުރު ބެހުމަށް ހަމަ ޖެހިފައިވާ ތާރީޚް މިނިސްޓްރީި އޮފް އިސްލާމިކް އެފެއާޒް އިއުލާން ކޮށްފިއެވެ.
އެގޮތުން އިސްލާމިކް މިނިސްޓްރީއިން ބުނެފައިވަނީ މާލެ، ހުޅުމާލެ އަދި ވިލިމާލޭގައި ދިރިއުޅޭ ރައްޔިތުންނަށާއި ކައުންސިލް އިދާރާތަކަށް ކަދުރު ބެހުމަށް ހަމަ ޖެހިފައިވަނީ 26 މާރިޗް އިން ފެށިގެން 06 އޭޕްރިލް އަށް ކަމަށެވެ.
މިއާއިއެކު ކަދުރު ބެހުމުގެ މަސައްކަތް ކުރިއަށް ދާނީ ރަސްމީ ބަންދު ނޫން ދުވަސްތަކުގެ ހެނދުނު 09:30 އިން 12:00 އަށް، އެމިނިސްޓްރީ މެދުވެރިކޮށް، އިސްލާމިކް މަރުކަޒުގެ ލޮބީގައި ކަމަށް ވެސް ބުނެފައިވެއެވެ.
ކަދުރު ބަލާވަޑައިގަންނަވާއިރު އައިޑީކާޑު ހިއްޕަވައިގެން ވަޑައިގެންދެއްވުމަށް މިނިސްޓްރީއިން ވަނީ އެދިފައެވެ.
ސަޢޫދީ ސަރުކާރުން ރާއްޖެއަށް ހަދިޔާ ކުރާ 50 ޓަނުގެ ކަދުރު މިނިސްޓްރީ އޮފް އިސްލާމިކް އެފެއާޒްއާއި ރަސްމީކޮށް ހަވާލުކޮށްފައިވަނީ މިދިޔަ އަންގާރަ ދުވަހުއެވެ.
މާލެއާއި ހުޅުމާލެ އަދި ވިލިމާލޭގައި ދިރިއުޅޭ ރައްޔިތުންނަށް މިދިޔަ އަހަރުވެސް ކަދުރު ބަހާފައި ވަނީ، މިނިސްޓްރީ އޮފް އިސްލާމިކް އެފެއާޒު މެދުވެރިކޮށް އިސްލާމީ މަރުކަޒުގައެވެ. އަދި ރަށްރަށަށް އެ ރަށު ކައުންސިލްތަކާއި ސިޓީ ކައުންސިލްތައް މެދުވެރިކޮށެވެ.
Advertisement
This content is created and paid for by advertisers and does not involve Voice Journalists
