ބޮޑުތަކުރުފާނުމަގު ޒީނަތްތެރި ކުރުމުގެ ގޮތުން ކަދުރު ރުއްއިންދާ އޭގެ ޕިޓް ތަކުގައި ޖަހާފައި ހުރި ބޯގަންވިލާ ގަސްތައް ވަގަށް ނަގަމުންދާކަމަށް މާލެ ސިޓީ ކައުންސިލުން ބުނެފިއެވެ.
މާލެ ސިޓީ ކައުންސިލުން ކަދުރު ރުއްތަކުގެ ޕިޓް ފުރެންދެން ބޯގަންވިލާ ގަސްތައް އިންދަައި ކަދުރު ރުއްތަކުގެ ވަށާ ޒީނަތްތަރި ކޮށްފައިވަނީ މި ރޯދަމަސް ފެށެން ވީއިރުއެވެ.
ކަދުރު ރުއްތަކުގެ ވަށައިގެން ބޯގަންވިލާ ގަސް އިންދި އިރު ހުރި ގޮތް-- ފޮޓޯ/ ވޮއިސް
އެހެންނަމަވެސް، އެ ގަސްތައް ވަގަށް އުފުލަމުންދާކަން ހާމަކޮށް އެ ކައުންސިލުން މިއަދު ހިއްސާކޮށްފައިވާ ފޮޓޯތަކުން ފެންނަ ގޮތުން، ޕިޓް ތަކުގެ ތެރޭގައި ހުރި ބޯގަންވިލާ ގަސްތައް ވަނީ ވަރަށް ބޮޑަށް މަދުވެފައެވެ.
އެކަން ހިތާމައާއި އެކު ފާހަގަކޮށް މާލެ ސިޓީ ކައުންސިލުން ވަނީ އެފަދައިން ގަސްތައް ވަގަށް ނު އުފުރުމަށް ނަސޭހަތްތެރިވެފައެވެ.
ޗާލު މާލެ ސިޓީ އަމާޒަށް ވާސިލުވުމުގައި އެންމެހާ ފަރާތްތަކުގެ އެއްބާރުލުން މުހިންމު." މާލެ ސިޓީ ކައުންސިލްގެ ޓުވީޓުގައި ވެއެވެ.
ކައުންސިލުން މާލެ ފެހިކުރުމަށް ކުރިއަށް ގެންދާ "އެއް ލައްކަ ގަސް" ޕްރޮގްރާމްގެ ދަށުން ބޮޑުތަކުރުފާނު މަގުގައި ކަދުރު ރުއް އިންދަން ފެށީ މިދިޔަ އަހަރުގެ މެއި މަހުގެ 24 ގައެވެ.
އެއަށްފަހު މި މާރިޗު މަހުގެ ތެރޭގައި ވަނީ، މާލެ ސިޓީ ކައުންސިލުން މާލޭގެ މަގުތައް މަތިން ނެގި ޕެލެޓްތައް ބޭނުން ކޮށްގެން ކަދުރު ރުއް ތަކުގެ ވަށާ ޕިޓް ޖަހާފައެވެ. އަދި އޭގެ އެތެރެ ޒީނަތްތެރި ކުރުމަށް ޕިޓް ތަކުގެ ތެރޭގައި ބޯގަންވިލާ ގަސް އިންދައި ބޮޑުތަކުރުފާނު މަގު ވަނީ ރޯދައަށް ޒީނަތްތެރި ކޮށްފައެވެ.
Advertisement
This content is created and paid for by advertisers and does not involve Voice Journalists
