އެމްޓީސީސީގެ ބައެއް ބަސް ރޫޓްތަކަށް މިރެއަށް ބަދަލު ގެނައުމަށް އެ ކުންފުނިން ނިންމާފިއެވެ.
މިކަމާއި ގުޅިގެން އެމްޓީސީސީއިން މިއަދު ނެރިފައިވާ އިއުލާނެއްގައި ބުނެފައިވަނީ މިރޭ 22:30 އިން 00:00 އަށް ގްރީން ޒޯން ސަރަހައްދު ބަންދުކުރުމަށް ހަމަޖެހިފައިވާކަން މޯލްޑިވްސް ޕޮލިސް ސަރވިސް އިން އެ ކުންފުންޏަށް އަންގާފައިވާ ކަމަށެވެ.
އެހެންކަމުން ގްރީން ޒޯން ސަރަހައްދުގެ މަގުތައް ބަންދުކުރެވިފައިވާ ވަގުތުގައި އެ ކުންފުނިން ފޯރުކޮށްދޭ އާރްޓީއެލް ބަހުގެ ޚިދުމަތުގައި ހިމެނޭ ރޫޓް 12 (ސޯސަން ރޫޓް) ގެ ދަތުރުތަށް ވަގުތީ ގޮތުން މެދުކަނޑާލެވޭނެ ކަމަށެވެ.
މިއާއިއެކު ރޫޓް 10 (އޯކިޑް ރޫޓް) ގެ ދަތުރުތައް ވަގުތީ ގޮތުން މަޖީދީ މަގުން ދަތުރު ކުރާގޮތަށް ބަދަލުކުރެވިގެން ދާނެކަންވެސް އެމްޓީސީސީއިން ވަނީ އިއުލާން ކޮށްފައެވެ.
ނަމަވެސް ގްރީން ޒޯން ސަރަހައްދު ހުޅުވާލެވުމުން މި ރޫޓްތަކުގެ ދަތުރުތައް އާންމު ހާލަަތަށް އިޔާދަ ކުރެވޭނެކަމަށް އެ ކުންފުނިން ބުނެފައިވެއެވެ.
އިތުރު މައުލޫމާތު ހޯއްދެވުމަށް އެ ކުންފުނީގެ ހޮޓްލައިން ނަންބަރު 1650 އަށް ގުޅުއްވުމަށް ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
