ޚިޔާލީ ދުނިޔޭގައި ކަންކަން އިސްލާހު ކުރުމާއި އަމަލީ ދުނިޔޭގައި ކަންކަން އިސްލާހު ކުރުމަކީ ވަރަށް ތަފާތު ދެކަމެއް ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުالله ވިދާޅުވެއްޖެ އެވެ.
ރިޔާސީ އިންތިހާބުގެ ވަގުތު ކުޑަތަން ވަމުންދާ ވަރަށް ޢިމްރާން ކުރައްވަމުންދާ މާނަފުން އަދި މާނަ ތިލަ ޓުވީޓްތައް އަންނަނީ އިތުރު ވަމުންނެވެ.
އެގޮތުން މިއަދު އޭނާ ކުރެއްވި ޓްވީޓެއްގައި ވަނީ ޚިޔާލީ ދުނިޔެއާއި ޢަމަލީ ދުނިޔޭގެ ތަފާތު ހާމަކޮށްދެއްވާފައެވެ.
"ޚިޔާލީ ދުނިޔެ ކޮންމެ މީހަކަށްމެ އިސްލާހު ކުރެވިދާނެ. ނަމަވެސް ޢަމަލީ ދުނިޔެ އިސްލާހު ކުރެވޭނީ، ޢިލްމާއި، ޙިލްމު އެއްކޮށް، ޢަޒުމާއި، ހިތްވަރާއި ހިކުމަތާއި އަމަލު އެއްކޮށް ކެތްތެރިވެގެން." ޢިމްރާން ވިދާޅުވި އެވެ.
ޢިމްރާން ކުރައްވާ މިފަދަ ޓުވީޓް ތަކާއި ގުޅިގެން ގިނަ ބައެއްގެ ފާޑުކިޔުންތައް އަބަދުވެސް އޭނާއަށް އަމާޒުވެއެވެ.
އެގޮތުން މިފަހަރުގެ ޓުވީޓަށް ފާޑުކިޔައި މީހަކު ކުރެއްވި ޓްވީޓެއްގައި ވަނީ "ހިޔާލީ ދުނިޔޭގައި މީހުންގެ ބޮލުގައި މަރުގެ ތުހުމަތު އެޅުވުމާއި ކިތާބީ ހެކި އުފެއްދުމާއި ކަންކަން ހާސިލުކުރުމަށް ތަންތަނަށް މީހުން އެއްކޮށްގެން ތިމާގެ ހިޔާލަށް އަންނަ ހިޔާލީ ވާހަކަ ދައްކައިގެން މީހުން ކެއްކުމާއި އާރާއި ބާރު ލިބުނީމަ ހަނު ހުރުން މިއީ ބޮޑެތި މުނާފިޤުންގެ ސިފައެއް" ކަމަށް ވިދާޅުވެފައެވެ.
އަދި މީގެ އިތުރުން ވެސް ޢިމްރާން އަށް މަގާމުގެ މަސްއޫލިއްޔަތު އަދާ ނުކުރެވޭ ކަމަށްބުނެ ގިނަ ބަޔަކު އަބަދުވެސް އޭނާއަށް ފާޑުކިޔައެވެ.
Advertisement
This content is created and paid for by advertisers and does not involve Voice Journalists
