ކުޅުދުއްފުށި ސިޓީ އެއާޕޯޓު ރަންވޭގައި ލައިޓު ހަރުކުރުމުގެ މަސައްކަތް ނިންމައިފި އެވެ.
އެ މަސައްކަތާއި ގުޅޭގޮތުން ރީޖަނަލް އެއާޕޯޓްސް ކޮމްޕެނީ ލިމިޓެޑްގެ މެނޭޖިން ޑިރެކްޓަރު މުޙައްމަދު ރިޒްވީ "ވޮއިސް" އަށް ވިދާޅުވީ ކުޅުދުއްފުށީ އެއާޕޯޓުގެ ރަންވޭގައި ލައިޓު ހަރުކުރުމުގެ މަސައްކަތް މިހާރު ނިންމާފައިވާ ކަމަށެވެ. އަދި މި ހަފްތާގައި ސިވިލް އޭވިއޭޝަނާއި ގުޅިގެން އެ ރަންވޭގައި ޓެސްޓު ފްލައިޓު ޖައްސާނެކަމަށް ރިޒްވީ ވިދާޅުވި އެވެ.
"ލައިޓު ހަރުކުރުމުގެ މަސައްކަތް މިހާރު ވަނީ ނިމިފަ. މިހާރު ކުރިއަށް މި ގެންދަނީ އޮަރޭޝަން ފެއްޓުމަށް ބޭނުންވާ އިދާރީ މަސައްކަތްތައް. މި ހަފްތާގެ ތެރޭގައި ސިވިލް އޭސިވއޭޝަނާއި ގުޅިގެން ޓެސްޓު ފްލައިޓު ޖެއްސުމުގެ މަސައްކަތް މިހާރު ދަނީ ކުރެވެމުން. އެފަހުން ދަތުރުތައް ކުރިއަށް ގެންދެވޭނެ"
ރީޖަނަލް އެއާޕޯޓްސް ކޮމްޕެނީ ލިމިޓެޑްގެ މެނޭޖިން ޑިރެކްޓަރު މުޙައްމަދު ރިޒްވީ
ކުޅުދުއްފުށީ އެއާޕޯޓުގެ ރަންވޭގައި ލައިޓު ހަރުކުރުމުގެ މަސައްކަތް މީގެ ކުރިން ހަވާލުކުރި އެމްޓިސީސީއަށް, މަސައްކަތް ނިންމަން ދިން މުއްދަތުގައި އެ މަސައްކަތް ނިންމާފައިވާފައި ނުވާތީ އެ ކޮންޓްރެކްޓު ވަނީ ބާތިލުކޮށްފަ އެވެ.
އެފަހުން އަލުން އެ މަސައްކަތް ކޮށްދޭނެ ފަރާތެއް ހޯދުމަށް ވަނީ އިއުލާނުކޮށްފައިވެއެވެ. އަދި ލައިޓު ހަރުކުރުމަށް ދިން 3 މަސް ދުވަހުގެ ތެރޭގައި އެ ކުންފުނިން މަސައްކަތް ނިންމާފައިވާކަން ފާހަގަކޮށްލެވެއެވެ.
ކުޅުދުއްފުށީ އެއާޕޯޓު ރަސްމީކޮށް އޮޕަރޭޓުކުރަން ފަށާފައިވަނީ 2019 ވަނަ އަހަރުގައެވެ. އެއާޕޯޓުގެ ރަންވޭގައި ލައިޓު ހަރުކުރުމަށްފަހު ޓެސްޓު ފްލައިޓު ޖައްސާ، އެކަށީގެންވާ ގޮތެއްގައި ޚިދުމަތްތައް ދެވެން ފެށޭނެކަމަށް ރިޒްވީ ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
