އަމީނީ މަގުގެ މަސައްކަތް ކުރުމަށްޓަކައި، ހޮނިހިރު ދުވަހުން ފެށިގެން އެ މަގުގެ ބޮޑުބައެއް ބަންދު ކުރުމަށް ހަމަޖެހިފައި ވާކަމަށް އާރްޑީސީން ބުނެފިއެވެ.

އަމީނީ މަހު ސެގްމެންޓް 5،6 އަދި 7 ގެ މަސައްކަތް ކުރުމަށްޓަކައި ބަންދު ކުރަން ނިންމާފައި ވަނީ ގާކޮށި ފްލެޓްގެ ޕާކިން ޒޯނުން ފެށިގެން ރަށްދެބައި ހިނގުމާ ހަމައަށެވެ.

އަމީނީ މަގު ބަންދުކުރަން ހަމަޖެހިފައިވާ ސަރަހައްދު -- ފޮޓޯ/ އާރްޑީސީ

އަމީނީ މަގުގެ ތާރު އަޅާ ނިމިފައިވާ ސަރަހައްދު އާންމުންނަށް ހުޅުވާލެވިފައި ވަނީ މިދިޔަ މަހުގެ ކުރީކޮޅުގައެވެ. އެއީ އަމީނީމަގުގެ ސެގްމަންޓް 1،2،3 ގައި ތާރު އަޅާފައިވާ ސަރަހައްދެވެ.

ޒަމާނީ ފެންވަރަށް އަމީނީ މަގު ތަރައްގީ ކުރުމުގެ މަސައްކަތް މާލޭ ސިޓީ ކައުންސިލުން ނެގުމަށްފަހު ޕްލޭނިން މިނިސްޓްރީއިން އެ މަސައްކަތް ހަވާލުކުރީ ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ) އާ އެވެ. އެ މަސައްކަތް އާރުޑީސީއާއި ހަވާލުކޮށްފައި ވަނީ މި ދިޔަ ސެޕްޓެމްބަރު މަހުގައެވެ. އާރުޑީސީއާއި އެ މަސައްކަތް ހަވާލުކުރީ 7 މަސްތެރޭ އަމީނީ މަގުގެ މަސައްކަތް އެއްކޮށް ނިންމާލުމަށެވެ. 

އެހެން ނަމަވެސް މަގު ނުހެދި ގިނަ ލިގުލައިގެން ދިއުމާއި ގުޅިގެން ބޮޑެތި ފާޑުކިޔުންތަކެއް ސަރުކާރާއި އާރުޑީސީއަށްވެސް އަމާޒުވަމުން ދިއުމާއި ގުޅިގެން އަމީނީ މަގުގައި ތާރު އެޅުމުގެ މަސައްކަތް އެފަހުން ހަވާލުކުރީ އެމްޓީސީސީއާއެވެ.