ޗަމްޕާ ބްރަދަރސްގެ ފަރާތުން ދިވެހި ރައްޔިތުންނަށް ހަދިޔާ ކޮށްފައިވާ ކާށި ބެހުމަށް މާލެ ސިޓީ ކައުންސިލާ ހަވާލު ކޮށްފިއެވެ.
މާލެ ސިޓީ ކައުންސިލުން ކުރި އިއުލާނެއްގައި ބުނީ، ދިވެހި ރައްޔިތުންނަށް ބެހުމަށް ޗަމްޕާ ބްރަދަރސްގެ ފަރާތުން ހަދިޔާ ކޮށްފައިވާ ކާށި ބަހަން ފަށަން ހަމަޖެހިފައި ވަނީ މާދަމާއިން ފެށިގެން ކަމަށެވެ.
ދިވެހި ހުރިހާ ރައްޔިތުންނަށް ކާށި ބަހަން ހަމަޖެހިފައިވާއިރު، މާދަމާއިން ފެށިގެން އާދިއްތަ ދުވަހުގެ ނިޔަލަށް ކާށި ބެހުމަށް ހަމަޖެހިފައިވަނީ އިސްލާމިކް މިނިސްޓްރީގެ ދަފްތަރުގައި ފަޤީރުންގެ ގޮތުގައި ރަޖިސްޓްރީވެފައިވާ ފަރާތްތަކަށެވެ.
ކާށި ބަލާ ދާއިރު، ފަޤީރުންގެ ލިސްޓުގައި ހިމެނޭ މީހެއްކަން އެނގޭނެ ފަދަ ލިޔުމެއް ގެންދިއުމަށް ސިޓީ ކައުންސިލުން އެދިފައިވެއެވެ.
ހޯމަ ދުވަހުން ފެށިގެން ކާށި ބެހުމަށް ހަމަޖެހިފައިވަނީ ދިވެހި ކޮންމެ ރައްޔިތަކަށެވެ. އަދި ކާށި ބަލާ ދާއިރު އައި.ޑީ ކާޑު ގެންދިއުމަށް ކައުންސިލުން އެދެއެވެ.
ކާށި ބެހުން ކުރިއަށްދާނީ މާލެސިޓީ ކައުންސިލުގެ ޢާންމު ޚިދުމަތްތަކާއި ބެހޭބައި (ތައިސޭކޮށި / ބޮޑުތަކުރުފާނުމަގު)ގައި ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 09:30 ން 13:30 އަށް އަދި ރޭގަނޑު 21:30 ން 23:30 އަށެވެ.
Advertisement
This content is created and paid for by advertisers and does not involve Voice Journalists
