ފެންނަމުންދަނީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ މާލިމީކަމުގައި ރާއްޖެއަށް ލިބެމުންދާ ތަރައްޤީ ރައްޔިތުން ލޯބިން ބަލައި ގަންނަމުންދާތަން ކަމަށް ފޮރިން މިނިސްޓަރު އަބްދުالله ޝާހިދު ވިދާޅުވެއްޖެއެވެ.
ޝާހިދު މިހެން ވިދާޅުވެފައި ވަނީ އިއްޔެ ކުރިއަށްދިޔަ ކ. ގުރައިދޫ ދާއިރާގެ ބައި އިލެކްޝަން އެމްޑީޕީގެ ކެނޑިޑޭޓް ކާމިޔާބު ކުރުމާ ގުޅިގެންނެވެ.
ގިނަ ދުވަސްތަކެއް ވަންދެން ޕީޕީއެމުން ތަމްސީލު ކުރަމުންދިޔަ މަޖިލީހުގެ ގުރައިދޫ ދާއިރާގެ ގޮނޑި ކާމިޔާބު ކޮށްފައި ވަނީ ސަރުކާރު ހިންގާ މައި ޕާޓީ އެމްޑީޕީގެ ކެނޑިޑޭޓު މުޙައްމަދު ޝާޒު އެވެ.
ޝާޒު އަށް މަރުހަބާ ދަންނަވައި ޝާހިދު ކުރެއްވި ޓްވީޓެއްގައި ވަނީ، ގުރައިދޫ ދާއިރާ ރަންރީނދުލުން ޖަރީވެއްޖެ ކަމަށް ވިދާޅުވެފައެވެ.
މިއާއެކު އެމްޑީޕީ އަށާއި ރައީސް ޞާލިހަށްވެސް މަރުހަބާ ދަންނަވައި ޝާހިދު ވަނީ ފެންނަމުންދަނީ، މާތް اللهގެ ހެޔޮ ރަޙްމަތްފުޅުން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ މާލިމީކަމުގައި ރާއްޖެއަށް ލިބެމުންދާ ތަރައްޤީ ރައްޔިތުން ލޯބިން ބަލައި ގަންނަމުންދާތަން ވިދާޅުވެފައެވެ.
ގުރައިދޫ ދާއިރާގެ ގޮނޑި ޝާޒް ކާމިޔާބު ކުރެއްވީ 1،346 ވޯޓުންނެވެ. ޕީޕީއެމްގެ ކެންޑިޑޭޓު ހުސައިން ރިޒާއަށް ލިބުނީ1،226 ވޯޓެވެ. އެމްއެންޕީގެ ކެންޑިޑޭޓު އަލީ އާރިފަށް ލިބުނީ122 ވޯޓެވެ.
Advertisement
This content is created and paid for by advertisers and does not involve Voice Journalists
