މި އަހަރުގެ ފިޠުރު ޢީދު ދުވަހުގެ ޢީދު ނަމާދަށް މާލެއާއި ވިލިމާލެ އާއި ދެމެދު ކުރެވޭ ފެރީ ދަތުރުގެ ޚިދުމަތުގެ ގަޑިއަށް އެމްޓީސީސީއިން ބަދަލު ގެނެސްފިއެވެ.

އެގޮތުން މި ފެރީގެ ޚިދުމަތް ހެނދުނު 7:00 އިން 8:15 އަށް މެދުކަނޑާލެވޭނެ ކަމަށް އެކުންފުނިން މިއަދު ވަނީ އިއުލާން ކޮށްފައެވެ.

މިއާއިއެކު ހުޅުމާލެ ޕްރީމިއަމް ފެރީގެ ޚިދުމަތް ވެސް ހެނދުނު 7:00 އިން 8:30 އަށް މެދުކަނޑާލެވޭނެ ކަމަށް އެމްޓީސީސީއިން ވަނީ އިއުލާން ކޮށްފައެވެ.

މި ދެ ފެރީގެ ޚިދުމަތުގެ އިތުރުން ތިލަފުށީގެ ފެރީ ދަތުރުތައް ކުރުމަށް ހަމަ ޖެހިފައިވާ ގަޑިތަކަށްވެސް ވަނީ ބަދަލު ގެނެވިފައެވެ.

އެގޮތުން މާލެއިން ތިލަފުއްޓަށް ފުރަތަމަ ދަތުރު އޮންނާނީ 8:30 ގައި ކަމަށް އެމްޓީސީސީއިން ވަނީ ބުނެފައެވެ.

އަދި ތިލަފުށިން މާލެއަށް ފުރަތަމަ ދަތުރު އޮންނާނީ 09:00 ކަމަށް ވެސް އެމްޓީސީސީއިން ބުނެފައިވެއެވެ.