ޗަމްޕާ ބްރަދާސްގެ ފަރާތުން ހަދިޔާކުރި ކާށި އަދި ކަރާ މާދަމާ ބަހަން ފަށާނެ ކަމަށް މާލެ ސިޓީ ކައުންސިލުން ބުނެފިއެވެ.

މާލެ ސިޓީ ކައުންސިލުން ނެރުނު ޢިއުލާނެއްގައި ބުނީ، ދިވެހި ރައްޔިތުންނަށް ބެހުމަށް ޗަމްޕާ ބްރަދަރސްގެ ފަރާތުން ހަދިޔާ ކޮށްފައިވާ ކާށި އަދި ކަރާ އެ ކައުންސިލު މެދުވެރިކޮށް މާދަމާ ބެހުމަށް ހަމަޖެހިފައިވާ ކަމަށެވެ.

އެގޮތުން ދިވެހި ރައްޔިތެއްކަން އަންގައިދޭ ކާޑު ހިފައިގެން ވަޑައިގެންނެވުމުން، ފަޤީރުންނަށާއި ޢާންމު ރައްޔިތުންނަށް ކާށި އަދި ކަރާ ލިބޭނެ ކަމަށް އެ ކައުންސިލުން ބުނެއެވެ.

Advertisement

ކާށި އަދި ކަރާ ބެހުން ކުރިއަށްދާނީ މާލެސިޓީ ކައުންސިލުގެ ޢާންމު ޚިދުމަތްތަކާއި ބެހޭބައި (ތައިސޭކޮށި / ބޮޑުތަކުރުފާނުމަގު) މާދަމާ ހެނދުނު 09:30 ން 15:00 އަށް، ރޭގަނޑު 21:30 އިން 00:00 އަށް ކަމަށްވެސް އިއުލާންގައި ބުނެފައިވެ އެވެ.

އަދި 29 އޭޕްރިލް 2023 ވަނަ ދުވަހުން ފެށިގެން، ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 08:30 ން 12:00 އަށް، މެންދުރުފަހު 13:00 ން 17:00 އަށް، ރޭގަނޑު 20:30 ން 23:30 އަށް ވެސް އެކަން ކުރިއަށްދާނެ ކަމަށް ބުނެފައިވެއެވެ.

މީގެ ކުރީގައިވެސް ޗަމްޕާ ބްރަދާސްގެ ފަރާތުން ރޯދަ މަހަށް ޚާއްސަކޮށް ހަދިޔާކުރި 25،000 ކާށި ވަނީ މާލެ ސިޓީ ކައުންސިލުން ރައްޔިތުންނަށް ބަހާފައެވެ.