Bulhaa facilityge masahkai feshumah city council inn thayyaaruvaan fasdhaifi

ބުޅާ ފެސިލިޓީގެ މަސައްކަތް ފެށުމަށް ސިޓީ ކައުންސިލުން ތައްޔާރުވާން ފަށައިފި

26 Apr 2023 | 22:37

ިސިޓީ ކައުންސިލްގެ މުވައްޒަފުން

ބުޅާ ފެސިލިޓީގެ މަސައްކަތް ފެށުމަށް ސިޓީ ކައުންސިލުން ތައްޔާރުވާން ފަށައިފިއެވެ.

ސިޓީ ކައުންސިލްގެ ހަތަރު ވަނަ ދައުރުގެ 98 ވަނަ ރަސްމީ އާއްމު ޖަލްސާގައި ބުނީ، މާލޭގައި ބުޅާ އާލާވުން ހުއްޓުވުމަށް ފެސިލިޓީއެއް ޤާއިމުކުރުމުގެ އެންމެ ފަހުގެ ތައްޔާރީތައް ވަމުން އަންނަކަމަށެވެ.

މާލޭގެ މަގުތަކުގައި އާދަޔާ ޚިލާފަށް ބުޅާ ގިނަވުމުގެ ސަބަބުން ތަފާތު އެތައް ބަލިތަކެއް އާންމުވާކަމުގެ ޝަކުވާ ރައްޔިތުން މިހާރުވެސް ކުރަމުން އަންނަކަމަށް ސިޓީ ކައުންސިލުން ފާހަގަކުރެއެވެ. އަދި މާލޭގެ މަގުތަކުގައި ބުޅާ ގިނަވުމުގެ ސަބަބުން ކުރިމަތިވާ އުނދަގޫތަކުގެ ސަބަބުން މީސްމީޑިއާގެ ޒަރިއްޔާއިންވެސް ރައްޔިތުން ކަންބޮޑުވުން ފާޅުކުރަމުން އަންނަކަމަށް ސިޓީ ކައުންސިލުން ވަނީ ހާމަކޮށްފައެވެ.

”ވަރަށް މުހިންމު ކަމެއް މިކަމަކީ ކުރަން. ވަރަށް ސިމްޕަލްކޮށް އެކަމަކުވެސް ނަތީޖާ ނެރެވޭނެގޮތަށް ޓޭބަލްކުރެވި އަންނަ ހަފުތާއަށް އިދާރީ ކަންކަން ނިންމަވައިދެއްވުމަށް އެދެން“

މާލޭ މޭޔަރ ޑރ މުޙައްމަދު މުޢިއްޒު ވިދާޅުވިއެވެ.

މާލެ ސިޓީ ކައުންސިލްގެ އެންވަޔަރމެންޓް ކޮމިޓީގައި އިތުރަށް މަޝްވަރާ ކުރުމަށްފަހު، ވީ އެންމެ އަވަހަކަށް "ކެޓް ނިއުޓާ ފެސިލިޓީ" އެއް ޤާއިމުކުރުމާ މެދު ގޮތެއް ކަނޑައެޅި އަމަލީ މަސައްކަތް ފެށުމަށް ސިޓީ ކައުންސިލުން ވަނީ ނިންމާފައެވެ.

ހަބަރު

މާލެ ސިޓީ ކައުންސިލް

ރައީސް ޑޮކްޓަރ މުޙައްމަދު މުޢިއްޒު