ޗާގޯސް މައްސަލަ އާއި ގުޅިގެން ދިވެހިރާއްޖޭގެ އަދުގެ ސަރުކާރުން ކަންކަން ކޮށްފައިވާ ގޮތް ކުރުކޮށް ފޮނިކޮށް، ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއިލް ކިޔައިދެއްވައިފިއެވެ. 

ޗާގޯސް މައްސަލަ އާއި ގުޅިގެން މުހައްމަދު އިސްމާއިލް ކުރެއްވި ޓްވީޓެއްގައި ވިދާޅުވީ، އެ މައްސަލަ އާއި ގުޅިގެން މޮރިޝަސް އާއިއެކު ހެދުނު "ޑީލް" ގެ ތެރެއިން، ޗާގޯސް އަކީ މޮރިޝަސްގެ ތަނަކަށް ހަދައިދިނުމަށް ރާއްޖެއިން ވޯޓުދޭން އެއްބަސްވެފައިވާ ކަމަށެވެ. އަދި އޭގެ ބަދަލެއްގެ ގޮތުން ފޮރިން މިނިސްޓަރު އަބްދުالله ޝާހިދަށް އދ. ގެ ގޮނޑި ލިބިވަޑައިގެންނެވި ކަންވެސް އޭނާ ފާހަގަކުރެއްވިއެވެ. 

މުހައްމަދު އިސްމާއިލް ވިދާޅުވީ މިހާރު އެ "ޑީލް" ގައިވާ ގޮތަށް ކަންކަން ގޮސްފިނަމަ، އިންޑިއާ އިން 100 އަހަރަށް ޗާގޯސް ކުއްޔަށް ނަގާނެ ކަމަށާ، އަދި އެއަށްފަހު އިންޑިޔާގެ މިލިޓަރީ ބޭސް ވެސް އެތަނުގައި ޤާއިމް ކުރާނެކަމަށެވެ. 

Advertisement

"(ޗާގޯސް) ބޭނުން ކުރާނީ އެމެރިކާ، އިންޑިޔާއިން. އެމެރިކާއިން އަހަރަކު 1 ބިލިޔަން ޑޮަލަރުގެ ކުލި އިންޑިޔާއަށް." ޗާގޯސް މައްސަލައިގެ ތަސައްވުރު އޮތް ގޮތް ކުރުކޮށް ފޮނިކޮށް ބުނެ ދެއްވަމުން މުހައްމަދު އިސްމާއީލް ވިދާޅުވި އެވެ. 

ފޯޅަވަހި މައްސަލައިގައި ސަރުކާރުގެ ސްޓޭންޑް ބަދަލުކުރީ 500 މިލިއަން ޑޮލަރުގެ ޑީލެއްގެ ތެރެއިންކަމަށް އެމްޑީީޕީގެ އިސްބައެއް ބޭފުޅުންވެސް ގެންދަވަނީ ތުހުމަތު ކުރައްވަމުން ނެވެ. އަދި އެ ޑީލު ހެއްދެވުމުގެ ފަހަތުގައި ހުންނެވީ ފޮރިން މިނިސްޓަރު އަބްދުالله ޝާހިދުކަމަށްވެސް ތުހުމަތު ކުރެއެވެ. 

ރާއްޖޭގެ ސަރަހައްދީ އިން ކަނޑައެޅުމާ ގުޅޭ ގޮތުން ޖަރުމަނުގައި ހުންނަ އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އަށް ހުށަހަޅާފައިވާ މައްސަލައިގައި ގޮތެއް ކަނޑައެޅުމަށް މިއަދަށް ތާވަލުކޮށްފައިވާއިރު، ސަރުކާރުން ސްޓޭންޑް ބަދަލުކުރުމުގެ ސަބަބުން ރާއްޖެއިން ބައެއް ގެއްލުމުގެ ފުރުސަތު ބޮޑުކަމަށް ޤާނޫނީ ފަންނުގެ ބޭފުޅުންވެސް ގެންދަވަނީ ވިދާޅުވަމުން ނެވެ.