މިއަދާއި ހަމައަށް ދިވެހި މަސްވެރިން މަސްވެރިކަން ކުރުމަށް ނިކުމެ އުޅެވޭ ސަރަޙައްދަކަށް މާދަމާ ނުނިކުމެވޭ ގޮތަށް މައްސަލަ ނިމުމުން އެއީ ކާމިޔާބީއެއް ކަމަށްބުނެ ބައެއް މީހުން އުފާކުރުމަކީ ހިތާމަހުރި ކަމެއް ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު ޢަލީ ހުސައިން ވިދާޅުވެއްޖެއެވެ. 

ކަނޑުގެއިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް)އަށް ހުށަހަޅާފައިވާ ރާއްޖޭގެ ދެކުނުން އޮންނަ ޗާގޯސް އައިލެންޑްސް (ފޯޅަވަހި) މައްސަލައިގައި މިއަދު ވަނީ ގޮތް ނިންމާފައެވެ. އެގޮތުން އިޓްލޮސް އިން އެ މައްސަލައިގައި ހުކުމް އިއްވީ ފުށުއަރާ 200 ނޯޓިކަލް މޭލުގެ ސަރަހައްދު ރާއްޖެއާއި މޮރިޝަސްއާ ދެމެދު އެއްވަރަކަށް ބެހުމަށެވެ.

މި މައްސަލަ ރާއްޖެއިން ވަކާލާތު ކުރިގޮތަށް ނިމުނު ކަމަށް ބުނެ ސަރުކާރަށް ތާއީދު ކުރާ މެންބަރުން އުފާ ފާޅުކުރައްވަމުން ދިޔަ ނަމަވެސް، ރާއްޖޭގެ އިމުން ބައެއް ގެއްލުމުން އެފަދައިން އުފާ ކުރުމަކީ ހިތާމަ ހުރި ކަމެއް ކަމަށް އަލީ ހުސައިން ވަނީ ވިދާޅުވެފަ އެވެ. އަދި އެ މައްސަލައިގައި ހަމަ ބުއްދި ބޭނުން ކުރައްވައިގެން ވިސްނެވުމަށްވެސް އަލީ ވަނީ އެދިވަޑައިގެންފަ އެވެ. 

Advertisement

އިމުގެ މައްސަލާގައި ރާއްޖެއިން ވަކާލާތު ކުރި ގޮތަށް މައްސަލަ ނިމުނު ކަމުގައި ވިޔަސް، އޭގެ ސަބަބުން ރާއްޖޭގެ މަސްވެރިން މަސްވެރިކަން ކުރާ ކަނޑުގެ ސަރަހައްދުން 50000 އަކަ ކިލޯ މީޓަރަށްވުރެ ބޮޑު ބައެއް ގެއްލޭނެ އެވެ. 

އެކަމާއި ގުޅިގެން އިދިކޮޅުންނާއި، އެނޫންވެސް ޕާޓީތަކުން އަންނަނީ ކަންބޮޑުވުން ފާޅުކުރަމުންނެވެ.