އިންޑިއާގެ ޑިފެންސް މިނިސްޓަރު ރާޖްނާތް ސިންގ، ފޮރިން މިނިސްޓަރު އަބްދުالله ޝާހިދުގެ އަރިހަށް އިޚުތިރާމުގެ ޒިޔާރަތެއް ކުރައްވައިފިއެވެ.

ފޮރިން މިނިސްޓްރީގައި ބޭއްވެވި ބައްދަލުކުރެއްވުމުގައި މިިނިސްޓަރ ޝާހިދު ވަނީ ރާއްޖެ އާއި އިންޑިއާގެ ޒަމާންވީ ގުޅުމުގެ މައްޗަށް އަލިއަޅުއްވާލައްވައި ވާހަކަދައްކަވާފައެވެ.

އަދި ރާއްޖޭގެ އަސްކަރިއްޔާ އާއި ސަލާމަތީ ޚިދުމަތްތައް ކުރިއެރުމަށް އިންޑިއާއިން ދެމުން އަންނަ އެހީތެރިކަންވެސް ޝާހިދު ވަނީ ފާހަގަކުރެއްވާފައެވެ.

Advertisement

މީގެ އިތުރުން، އިންޑިޔާގެ ޑިފެންސް މިނިސްޓަރާއެކު މިއަދު ބޭއްވުނު ބައްދަލުވުމުގައި، ރާއްޖެއާއި އިންޑިޔާ އާ ދެމެދު ޑިފެންސް ދާއިރާގައި އޮތް ގާތް ގުޅުމާ ބެހޭގޮތުން މަޝްވާރާކޮށް، މިދާއިރާ އިތުރަށް ހަރުދަނާކުރުމަށް އިންޑިޔާއިން ވެދެއްވަމުން ގެންދަވާ އެހީތެރިކަމަށް ޝާހިދުވަނީ ޝުކުރު އަދާކުރައްވާފައެވެ. 

އިންޑިއާގެ ޑިފެންސް މިނިސްޓަރ ރާއްޖެ ވަޑައިގެންނެވީ 3 ދުވަހުގެ ރަސްމީ ދަތުރުފުޅެއްގައެވެ.