ޗާގޯސް ސަރަހައްދު ހިމާޔަތް ކޮށްފައި ބޭއްވުމަށް އިނގިރޭސީންނާއި މޮރިޝަސްއާއެކު މަސައްކަތް ކުރާނެ ކަމަށް ފިޝަރީޒް މިނިސްޓަރ ޑރ. ޙުސައިން ރަޝީދު ޙަސަން ވިދާޅުވެއްޖެއެވެ.

މިނިސްޓަރ މިހެން ވިދާޅުވީ ޕީއެސްއެމް ނިއުސްގެ ރާއްޖެމިއަދު ޕްރޮގްރާމުގައި ވާހަކަ ދައްކަވަމުންނެވެ.

މިނިސްޓަރ ވިދާޅުވީ ރާއްޖޭގެ ދެކުނުގައި އެއޮތީ މި ސަރަހައްދުއި ހިމާޔަތް ކުރެވިފައިވާ ސަރަހައްދެއް ކަމަށެވެ. އެހެންކަމުން އެތަން އެގޮތަށް ބޭއްވުމަށް މަސައްކަތް ކުރާނެ ކަމަށެވެ.

Advertisement

"އެހެންވީމަ ރާއްޖެއިން މަސައްކަތް ކުރާނެ އަދިވެސް މި ދެންނެވީ އިނގިރޭސީންނާ ގުޅިގެންވެސް އަދި މޮރިޝަސްއާ ގުޅިގެންވެސް އެ ސަރަހައްދު ހިމާޔަތްކޮށްފަ އޮތް ސަރަަހައްދެއް ގޮތުގަ ބާއްވަން" މިނިސްޓަރ ވިދާޅުވިއެވެ.

މީގެ އިތުރުން މިނިސްޓަރ ވިދާޅުވީ، އެ ސަރަހައްދު ހިމާޔަތް ކުރާން ބޭނުންވާ ކަމަށް ކަމަށް މޮރިޝަސްއިން ބުނެފައިވާ ކަމަށާއި އެއީ ހިމާޔަތް ކޮށްފައި އޮތް ސަރަހައްދެއްގެ ގޮތުގައި ދަމަހައްޓަންވެސް ބޭން ކަމަށް މޮރިޝަސްއިން ބުނެފައިވާ ކަމަށެވެ.

މިދިޔަ ޝަރީޢަތުގެ ތެރޭގަވެސް މޮރިޝަސްއިން އެ ވާހަކަތައް ދައްކާފައިވާކަމަށް މިނިސްޓަރު ވިދާޅުވިއެވެ.

"އޭގެ އިތުރަށް، ކުރިން އަޅުގަނޑު މި ދެންނެވިހެން، މިލިޓްރީ ބޭސްއަކާ އިންވެގެން އޮންނަ ސަރަހައްދު ތަކުގަ މަސްވެރިން ވަދެ މަސް ބާނާ ސަރަހައްދެއްގަ، ދާއަޅާ ސަރަހައްދެއް ގޮތުގަ ބާއްވާކަށް، ޗާގޯސް އަތޮޅުތަކުގެ ތެރޭގަ އެކަން ކުރާކަށް އެމެރިކާ މީހުންވެސް ބޭނުން ވާނެ ކަމަކަށް އަޅުގަނޑު ނުދެކެން" މިނިސްޓަރު ވިދާޅުވިއެވެ.

އަލަށް ލިބުނު އިމުގެ ތެރޭގަ ހިމެނޭ ހުރިހާ ސަރަަހައްދެއް ވެސް ބޭނުންކުރާނީ މަސްވެރިކަން ކުރުމަށް ކަމަށް މިނިސްޓަރު ވިދާޅުވިއެވެ.