މާލެ ސިޓީ ކައުންސިލުން ގަސް ވިއްކުމަށް ފެއަރ އެއް ބާއްވަން ނިންމައިފިއެވެ.
އެ ކައުންސިލުން ބުނީ، "މާލެ ފެހި ފެއަރ 2023" ގެނަމުގައި ކުރިއަށް ގެންދާ މި ފެއަރ އޮންނާނީ މި މަހުގެ 11 - 13 އަށް އާޓިފިޝަލް ބީޗްގައި ކަމަށެވެ.
މި ފެއަރ ގައި ގަސް ވިއްކާ ފަރާތްތައް ބައިވެރިކުރުމުގެ ގޮތުން 15 މޭޒު ޢާއްމުކޮށް ވިއްކުމަށް ހަމަޖެހިފައި ވާކަމަށް ސިޓީ ކައުންސިލުން ބުންޏެވެ.
"މޭޒެއްގެ އަގަކީ 3 ދުވަހަށް 1500 ރުފިޔާ. މި މޭޒުތައް ތައްޔާރުކުރުމާއި، އެތަނުން ބޭނުންވާ ކަރަންޓް ފޯރުކޮށްދޭނީ މިކައުންސިލްގެ ފަރާތުން" ސިޓީ ކައުންސިލުން ބުންޏެވެ.
އެހެންކަމުން މި ފެއަރ އިން މޭޒު ބޭނުންވާ ފަރާތްތަކުން، https://forms.gle/r68TqtNcGjbcsENb7 ، އެ ކައުންސިލްގެ ލިންކް މެދުވެރިކޮށް، އެ ކައުންސިލްގެ މާވެހި ޕޯޓަލް އިން މި މަހުގެ 10 ވަނަދުވަހުގެ ކުރިން ހުށަހެޅުމަށް ކައުންސިލުން ވަނީ އެދިފައެވެ.
މޭޒު ދޫކުރަން ހަމަޖެހިފައި ވަނީ އެދޭތަރުތީބުން 15 މޭޒު ހަމަވަންދެނެވެ.
މިކަމާ ބެހޭގޮތުން މައުލޫމާތު ސާފުކުރެއްވުމަށް ގުޅާނީ 9990080 ނަމްބަރަށް ނުވަތަ 1622 އަށް ކަމަށް މާލެ ސިޓީ ކައުންސިލުން ބުންޏެވެ.
Advertisement
This content is created and paid for by advertisers and does not involve Voice Journalists
