ޕީސް ފައުންޑޭޝަނުން މުޅިން އަލަށް ފަށާ ޕްރޮގްރާމް "ޕިކްނިކް ވިތް ޝުޔޫޚް" ގައި ބައިވެރިވުމުގެ ފުރުޞަތު ހުޅުވާލައިފިއެވެ.

“ޕިކްނިކް ވިތް ޝުޔޫޚް" އަކީ ރާއްޖޭގެ ފުންނާބު އުސް ޢިލްމުވެރިންނާއެކު ދުވަހެއް ހޭދަކޮށްލުމަށްޓަކައި ޢާންމުންނަށް ހުޅުވާލެވިފައިވާ ފުރުޞަތެކެވެ.

ޕީސް ފައުންޑޭޝަން އިން ބުނީ، ކުޑަގިރި ޕިކްނިކް އައިލަންޑުގައި ކުރިޔަށް ގެންދަން ހަމަޖެހިފައިވާ މި ދަތުރުގައި ތަފާތު އެކިއެކި ކުޅިވަރުތަކާއި އެހެނިހެން ޙަރަކާތްތައް އެކުލެވޭނެ ކަމަށެވެ. މީގެ އިތުރުން ތަފާތު އެކިއެކި ހުނަރުތަކާއި އަދި ދީނީ މަޢުލޫމާތު ބައިވެރިންނަށް ފޯރުކޮށްދެވޭނެ ކަމަށެވެ.

މި ދަތުރުގައި މިފަހަރު ބައިވެރިވާން ހަމަޖެހިފައިވަނީ އައްޝައިޚް ޑރ. ޢަލީ ޒާހިރު ބިން ސަޢީދު ޤާސިމާއި އައްޝައިޚް ނިމާލް މުޙައްމަދާއި އައްޝައިޚް މުޙަމަދު މަންޞޫރު އާދަމާއި އައްޝައިޚް ޝުޢައިބް ނާޡިމެވެ. މި 4 ބޭފުޅުންނަކީ ދިވެހިރާއްޖޭގައި ދީނީ ދަޢުވަތު ފޯރުކޮށްދެއްވުމުގައި އެންމެ އިސް ސަފުގައި ޙަރަކާތްތެރިވަމުން އަންނަ ބޭފުޅުންތަކެކެވެ.

13 މެއި ގައި ކުރިޔަށްދާ މި ދަތުރުގައި ބައިވެރިވުމުގެ ފުރުޞަތު ހުޅުވާލައިފައިވަނީ 16 އަހަރުން މަތީގެ ފިރިހެން ބޭފުޅުންނަށެވެ. އަދި މި ދަތުރުގައި ބައިވެރިވުމުގެ ފީ އަކީ -/350 ރުފިޔާއެވެ.

މި ދަތުރުގައި ބައިވެރިވުމަށްޓަކައި ( https://forms.gle/QFcuqbKYrUWaWZRC9 ) މި ލިންކުގައިވާ ފޯމް ފުރާލުމުން މި ދަތުރުގައި ބައިވެރިވެވޭނެއެވެ. އަދި އިތުރު މަޢުލޫމާތު ހޯއްދެވުމަށް 9552949 މި ނަންބަރަށް ގުޅާލުމަށްވެސް ޕީސް ފައުންޑޭޝަން އިން އެދެއެވެ.