ރ މަޑުއްވަރީ ސްކޫލްގެ 2022 ވަނަ އަހަރުގެ ހުރިހާ ގޮތަކުން އެންމެ މޮޅު ދަރިވަރަކަށް އާއިޝަތު ޒާޝާ ޝުކުރީ ހޮވިއްޖެއެވެ.

ރޭ ރ މަޑުއްވަރީ ސްކޫލް ހޯލުގައި ބޭއްވުނު 2022 ވަނަ އަހަރުގެ އިނާމު ދިނުމުގެ ޖަލްސާގައި އެ އެމަދަރުސާގެ ދަރިވަރުންގެ ތެރެއިން 2022 ވަނަ އަހަރު އެކި އެކި ވަނަތައް ހޯދި ދަރިވަރުންނަށް އިނާމު ދީފައިވެއެވެ. 

އެގޮތުން 2022 ވަނަ އަހަރުގެ ހުރިހާ ގޮތަކުން އެންމެ މޮޅު ދަރިވަރަކަށް ހޮވުނު ޒާޝާ ވަނީ އޯލެވެލް އަދި އެސްއެސްސީ އިމްތިހާނުން މުޅި ސްކޫލުން އެންމެ ރަނގަޅު ނަތީޖާ ހޯދައިފައެވެ. ޒާޝާ ވަނީ އިސްލާމް، ދިވެހި އިނގިރޭސި، ހިސާބު އަދި ފިޒިކްސް އިން ޑިސްޓިންްޝަން ހޯދައިފައެވެ. 

ހުރިހާ ގޮތަކުން އެންމެ މޮޅު ދަރިވަރަކަށް ހޮވުނު ޒާޝާ

ރޭގެ ޖަލްސާގައި 2021-2022 ގައި އޯލެވެލް އަދި އެސްއެސްސީ އިމްތިހާނު ނިންމި ދަރިވަރުންގެ ތެރެއިން އެންމެ މޮޅު 10 ދަރިވަރުބް އިޢްލާނުކޮށް އެދަރިވަރުންނަށް ވެސް އިނާމު ދިފައިވެއެވެ.

މަޑުއްވަރީ ސްކޫލްގެ 2021- 2022 ގެ ގަދަ 10 ގައި ހިމެނުނު ބައެއް ދަރިވަރުން

ހުރިހަ ގޮތަކުން އެންމެ މޮޅު ދަރިވަރަކަށް ހޮވުނު ޒާޝާ ވަނީ 2021-2022 ވަނަ އަހަރު މަޑުއްވަރީ ސްކޫލްގެ ހުރިހާ ގޮތަކުން އެންމެ މޮޅު ގާރލް ގައިޑް ކަންވެސް ހޯދައިފައެވެ. 

2021-2022 ވަނަ އަހަރު މަޑުއްވަރީ ސްކޫލްގެ ހުރިހާ ގޮތަކުން އެންމް މޮޅު ސްކައުޓަކީ އަހްމަދު ރައުޝީން ރަމީޒެވެ. 

ރޭގައި ބޭއްވުނު މި ޖަލްސާ ޝަރަފުވެރި ކޮށްދެއްވައި ރަން ވަނަތައް ހާސިލް ކުރި ދަރިވަރުންނަށް އިނާމުތައް ހަވާލުކޮށްދެއްވާފައިވަނީ ކިނޮޅަހު ސްކޫލްގެ ޕްރިންސިޕަލް މުހައްމަދު ވަސީމެވެ.