މިމަހު 8 ކުން 10 އަކަށް ކުރައްވާ ރަސްމީ ދަތުރުފުޅެއްގައި ފޮރިން މިނިސްޓަރ ޢަބްދުالله ޝާހިދު ސާރބިއާގެ ވެރިރަށް ބެލްގްރޭޑަށް ވަޑައިގެންފިއެވެ.

މިކަމާއި ގުޅިގެން ފޮރިން މިނިސްޓްރީން ނެރުން ނޫސް ބަޔާނެއްގައި ބުނެފައިވަނީ މި ދަތުރުފުޅުގައި ސާރބިއާގެ ފަސްޓް ޑެޕިއުޓީ ޕްރައިމް މިނިސްޓަރ އަދި މިނިސްޓަރ އޮފް ފޮރިންގ އެފެއާޒް އިވިއްސާ ޑޭސިކްއާއި ބައްދަލުކުރައްވާނެ ކަމަށެވެ.

އަދި ރާއްޖެއާއި ސާރބިއާއި ދެމެދު ރަސްމީ މަޝްވަރާތައް ބާއްވަވާ މުހިންމު ދާއިރާތަކުން 5 އެއްބަސްވުމެއްގައި ސޮއިކުރައްވާނެކަމަށެވެ.

Advertisement

އެގޮތުން ދެޤައުމުގެ ދެމެދު ޤާއިމްކުރާ އެއްބަސްވުންތަކުގެ ތެރޭގައި ވިސާއާއި ގުޅޭ އެއްބަސްވުމަކާއި، ދެޤައުމުގެ ދެމެދު ވިޔަފާރިއާއި އިޤްތިޞާދު އަދި އިންވެސްޓްމަންޓްގެ ދާއިރާއިން އެއްބާރުލުން ދިނުމާ ގުޅޭ އެއްބަސްވުމެއް ހިމެނެއެވެ. އަދި ވައިގެ ދަތުރުފަތުރުގެ ދާއިރާއާއި، ޑިޕްލޮމެޓިކް ދާއިރާއިން ތަޢުލީމުގެ ފުރުޞަތުތައް ރާއްޖެއަށް ފަހިކޮށްދިނުމުގެ އިތުރުން ކުޅިވަރުގެ ދާއިރާއިން ފުރުޞަތުތައް ފަހިކޮށްދިނުމާއި ގުޅޭ އެއްބަސްވުމެއް ވެސް ހިމެނެއެވެ.

ފޮރިން މިނިސްްޓްރީއިން ވަނީ މިއީ ސަރބިއާއަށް މިނިސްޓަރ ޝާހިދު ކުރައްވާ ދެވަނަ ދަތުރުފުޅުކަން ފާހަގަކޮށް މިއީ ދެގައުމުގެ ގުޅުން އިތުރަށް ބަދަހިކުރުމަށް އެޅޭނެ ވަރަށް ބޮޑު ފިޔަވަޅެއް ކަމަށް ބުނެފައެވެ.