ނަގިއްޔެއް ވަގަށް ނެގި މީހަކު ޖަލަށް ލާން ހުކުމް ކޮށްފިއެވެ.

ރ. އުނގޫފާރު މެޖިސްޓްރޭޓް ކޯޓުން ކުރިއަށް ގެންދިޔަ މި މައްސަލައިގައި ބުނެފައި ވަނީ، ފެބްރުއަރީ މަހުގެ ތެރޭގައި އެރަށު ފަޅުގައި އަޅާފައިވާ ޑިންގީއެއްގައި އޮތް ނަގިއްޔެއް ނެގިކަމަށް، އެ މައްސަލައިގައި ދައުވާކުރި މީހާ އިއުތިރާފު ވެފައިވާ ކަމަށެވެ.

އެ ނަގިއްޔަކީ 1500 ރުފިޔާގެ އެސްއެސް ނަގިއްޔެއް ކަމަށްވެސް ކޯޓުން ބުނެފައިވެއެވެ.

Advertisement

މިފަދަ ކުށްތަކަށް ކަނޑައަޅާފައިވާ އަސާސީ އަދަބަކީ ހަތަރުމަހާ 24 ދުވަހަށް ޖަކަށް ލުމެވެ. ނަމަވެސް މައްސަލައިގައި ދައުވާ ރައްދުވާ މީހާ، ދައުވާއަށް އިއުތިރާފު ވެފައި ވާތީ އޭނާގެ މައްޗަށް އަދަބުގެ އެއް ދަރަޖަ ލުއިވީއެވެ.

އެހެންކަމުން ކޯޓުން ކަނޑައަޅާފައި ވަނީ ތިން މަހާއި 18 ދުވަހަށް އޭނާ ޖަލަށް ލުމެވެ. ނަމަވެސް އެ މުއްދަތުން ބަންދުގައި ހުރި މުއްދަތު އުނިކުރުމުން އޭނާ ތަންފީޒު ކުރަން ޖެހޭނީ ތިން މަހާއި ދެ ދުވަހުގެ ޖަލު ހުކުމެވެ.