މާލޭގެ ގެއެއްގެ އެޕާޓްމަންޓަކަށް ވަދެ އެތަނުގައި ދިރިއުޅެމުންދާ މީހަކަށް ތޫނު އެއްޗަކުން ބިރުދެއްކި ކަމުގެ ތުހުމަތުގައި ބަންދުކުރި މީހާގެ ބަންދަށް 30 ދުވަސް ޖަހައިފިއެވެ.
މި މައްސަލާގައި ހައްޔަރު ކޮށްފައި ވަނީ ރ. މަޑުއްވަރީ / ދެތަނޑިމާގެ، އިބްރާހިމް ސަމީން (34އ) އެވެ.
އޭނާ ހޯދަން ފުލުހުން އިއުލާނު ކުރީ އަންގާރަ ދުވަހުއެވެ. އިއްޔެ އޭނާ ހައްޔަރު ކޮށްފައި ވަނީ، އަމިއްލައަށް ފުލުހުންގެ އިދާރާއަށް ހާޒިރު ވުމުންނެވެ.
އެކަމާ ގުޅިގެން ފުލުހުންގެ މީޑިއާ އޮފިޝަލް ވިދާޅުވީ، ގެއަކަށްވަދެ މީހަކަށް ތޫނުއެއްޗަކުން ބިރުދައްކައި، ނުރައްކާތެރި ހަތިޔާރު ބޭނުންކޮށްގެން ހަމަލާދީ މާރާމާރީ ހިންގައި، މުދަލަށް ގެއްލުން ދީފައިވާ މައްސަލައާ ގުޅިގެން ހޯދަމުންދިޔަ އިބްރާހިމް ސަމީން (34އ) މިހާރު ހައްޔަރުކޮށްފައިވާ ކަމަށެވެ.
ކްރިމިނަލް ކޯޓުގެ އަމުރުގައި ވާގޮތުން، ނުރައްކާތެރި ހަތިޔާރާއެކު ގްރޫޕް ހަދައިގެން މާރާމާރީ ހިންގުމާއި ބިރު ދެއްކުމުގެ އިތުރުން ޖިންސީ ގޯނާކޮށް، މުދަލަށް ގެއްލުން ދިނުމުގެ ތުހުމަތު އޭނާގެ މައްޗަށް ކުރެވެއެވެ.
Advertisement
This content is created and paid for by advertisers and does not involve Voice Journalists
