ކޮވިޑްގައި ރާއްޖޭގެ ކަންކަން މެނޭޖްކުރިލެއް މޮޅުކަމުން ހިޔާލު ތަފާތު މީހުން ރައީސް ޞާލިހަށް ހަސަދަލީ ކަމަށް އެމްޓީސީސީގެ ސީއީއޯ އާދަމް އާޒިމް ވިދާޅުވެއްޖެއެވެ.
އާޒިމް މިހެން ވިދާޅުވީ، ރައީސް އިބްރާހިމް މުހައްމަދު ޞާލިހު ފ. އަތޮަޅަށް ކުރއްވާ ދަތުރުފުޅުގައި، ފ. ދަރަނބޫދޫގެ ބަނދަރު ހުޅުވުމުގެ ރަސްމިއްޔާތުގައި ވާހަކަ ދައްކަވަމުންނެވެ.
"ކޮވިޑުގެ އާލަމީ ވަބާގެ ތެރޭގަ މި ރާއްޖޭގެ ކަންކަން މަނިކުފާނު މެނޭޖްކުރެއްވި ގާބިލުކަން ވެގެން ދިޔައީ، ހިޔާލު ތަފާތުވި މީހުންގެ ޝުކުރު މަނިކުފާނަށް ލިބުމުގެ ބަދަލުގާ އެމީހުންގެ ނަފްރަތާ ހަސަދަޔާ ރުޅި އިސްވެގެން ދިޔަ ކަަމަކަށް. މި ގައުމުގެ ލީޑަރޝިޕަށް ފައި ނަގަން ބޭނުންވެފާ ތިބި އެފަދަ ބޭފުޅުންނަށް މަނިކުފާނު ވެގެން ދިޔައީ ބޮޑު ބިރަކަށް. އެންމެ ބޮޑު ޗެލެންޖަކަށް"
އާޒިމް ވިދާޅުވިއެވެ.
މީގެ އިތުރުން އާޒިމް ވިދާޅުވީ، އޭގެ ސަބަބުން ވުޖޫދުގަވެސް ނެތް ކަންކަން އުފައްދައިގެން ވާހަކަ ދައްކަން ފެށީ ސައްހަ ވާހަކައެއް ނެތިގެން ކަމަށެވެ.
ކޮވިޑްގައި ސަރުކާރުން ނުހުއްޓާ ކުރި އެއް މަސައްކަތަކީ އެމްޓީސީސީން ކުރިއަށް ގެންދިޔަ މަޝްރޫއުތައްތަން ފާހަގަ ކުރައްވައި އާޒިމް ވިދާޅުވީ ކޮންމެ ރަށެއްގައިހެން ސަރުކާރުގެ މަޝްރޫއުތައް ހިނގައިގަތް ކަމަށެވެ. އޭގެ ސަބަބުން ބައެއް ފަރާތްތަކަށް ހަޖަމް ނުވީ ކަމަށް އާޒިމް ވިދާޅުވިއެވެ.
އާޒިމް ވިދާޅުވީ އުމްރާނީ، އިޖްތިމާއީ، ސިއްހީ، އިގްތިސާދީ އަދި އިލްމީ ރޮނގުން މި ސަރުކާރުން ގެނެސްދެއްވާ ނޫރާނީ ކަމަކީ ރައްޔިތުން ބަލައިގަންނަ މަތިވެރި ހިދުމަތްތަކެއް ކަމަށެވެ.
Advertisement
This content is created and paid for by advertisers and does not involve Voice Journalists
