ބ އަތޮޅު ކައުންސިލް ރައީސް އަހްމަދް އަފްރާހް ދަ ޑިމޮކްރެޓްސް އަށް ސޮއި ކުރައްވައިފިއެވެ.
ޕާޓީ އަށް މެމްބަރުން ހަމަ ކުރުމަށް އެޕާޓީގެ އިސްވެރިން އަތޮޅުތަކަށް ކުރަމުުންދާ ދަތުރު ތަކުގައި އެކި ރަށްރަށުން މީހުން ދަނީ އެ ޕާޓީއަށް ސޮއި ކުރަމުންނެވެ.
އެގޮތުން ކުޅުދުއްފުށީ ސިޓީ ކައުންސިލްގެ ހުރިހާ ކައުންސިލަރުން ވަނީ އެމްޑީޕީ އަށް ސޮއި ކުރައްވައިފައެވެ. މީގެ އިތުރުންވެސް އއ ގެ ރަށްރަށުގައި ވެސް އެ ޕާޓީއަށް މެމްބަރުން ހަމަ ކުރުމަށް ސޮއި ކުރުން ކުރިއަށް ގެންގޮސްފައި ވެއެވެ.
ޕާޓީ އުފެއްދުމަށް ހުއްދަ ދިނުމާއި އެކު އެޕާޓީ އިން ދަނީ ރަޖިސްޓަރ ކުރުމަށް ބޭނުންވާ ވަރަށް މެމްބަރުން ހަމަ ކުރުމަށް ފޯމު ފުރުމުގެ މަސައްކަތް ކުރަމުންނެވެ. އެޕާޓީ އުުފއްދަން އީސީ އިން ހުއްދަ ދީފައިވަނީ 24 މެއި ގައެވެ.
ހުއްދަ ލިބުމާއި އެކު އެޕާޓީއިން ބުނެފައިވަނީ 24 ގަޑިއިރުތެރޭގައި 3000 މެމްބަރުން ހަމަ ކުރާނެ ކަމަށެވެ. މިހާތަނަށް ހަމަވި އަދަދެއް އެޕާޓީއިން ރަސްމީކޮށް އިއުލާނު ކޮށްފައެއް ނުވެއެވެ.
އެމްޑީޕީގެ ތެރެއިން އުފެދިގެން އައި ފިކުރެއްގެ ދިރުން ފެކްޝަނުން އެޕާޓީ އިން ވަކިވެ އުފެއްދި މި ޕާޓީ އަށް ކުރީގެ ރައީސް މުޙައްމަދު ނަޝީދުގެ މަންމަ އާއި ބައްޕަ ވެސް ވަނީ ސޮއި ކުރައްވާފައެވެ.
އަދި އެމްޑިޕީގައި ތިބި ރައީސް ނަޝީދަށާއި އެމަނިކުފާނުގެ ފިކުރަށް ތާއީދު ކުރާ މީހުން ދަ ޑިމޮކްރެޓްސް އަށް ސޮއި ކުރަމުން ދާއިރު އަދިވެސް ރައީސް ނަޝީދު ހުންނެވީ އެމްޑީޕީގައެވެ.
Advertisement
This content is created and paid for by advertisers and does not involve Voice Journalists
