އެމްއައިބީގެ ހިދުމަތަށް ބޮޑު ބަދަލެއް ގެންނާނެ އެބޭންކުގެ އާ ވެބްސައިޓް ލޯންޗުކޮއްފިއެވެ.

މި ވެބްސައިޓަކީ އެމްއައިބީގެ ހިދުމަތް ހޯދުމަށް ފަސޭހަ ވާނެގޮތަށް ކަސްޓަމަރުންގެ ބޭނުންތަށް ފަސޭހައިން ފުރިހަމަކޮއްލެވޭނެހެން ފަރުމާ ކޮއްފައިވާ ބަލާލަން ހިތްގައިމު ބޭނުންކޮއްލަން ފަސޭހަ ވެބްސައިޓެކެވެ. 

މައުލޫމާތެއް ހޯދަން ބޭނުންވާ ނަމަ މި ވެބްސައިޓް ވަރެއް ނެތެވެ. ފަސޭހަ ކަމާއިއެކު ޗެޓް ކޮއްލެވެއެވެ. އަދި އަމިއްލައަށް ކިޔާލާނެ އާންމު ސުވާލާއި ޖަވާބު މި ވެބްސައިޓުގައި ބައިވަރެވެ. މީގެ އިތުރުން އޭއައި ބޮޓް އާއި ޗެޓް ކޮއްލައިގެން ތަފާތު އެކި މައުލޫމާތު ހޯދޭނެއެވެ.އެމްއައިބީގެ ހިދުމަތެއް ހޯދަން ދެން ގުޅައިގެން ކިޔުގައި ހުންނާކަށް ނުޖެހޭނެއެވެ، 24 ގަޑިއިރު ޗެޓުމެދުވެރިކޮށް ކަސްޓަމަރ ސާވިސް ކުދިންނާއި ޗެޓު ކޮއްލެވޭނެއެވެ. ނުވަތަ ހަމަ އޭއައި ޗެޓް ބޮޓާއި ޗެޓު ކޮއްލަންވީއެވެ. އެހާވެސް ފަސޭހައެވެ.

ވިޔަފާރި ފުޅާކުރުމަށް ފައިނޭންސިން ފެސިލިޓީ އާއިބެހޭ އިތުރު މައުލޫމާތު ހޯދުމަށް މިވެބްސައިޓުގައި ގިނަ އާއްމު ސުވާލާއި ޖަވާބު ހިމަނައިފައިވެއެވެ. އިތުރު މައުލޫމާތު ބޭނުންވާނަމަ ބޭންކާއި ވާހަކަ ދައްކާލުމަށް ކޮންސަލްޓޭޝަން ސެޝަންއަކަށް މިވެބްސައިޓް މެދުވެރިކޮށް އެދެވިދާނެއެވެ.

އެމްއައިބީއަކީ ދިވެހިންގެ މެދުގައި މަގްބޫލުބޭންކެކެވެ. ހާއްސަކޮށް އެ ބޭންކުގެ އުޖާލާ ދިރިއުޅުން ފެސިލިޓީއަކީ ރާއްޖޭގެ އެންމެ މަގްބޫލުއެއް ރީޓެއިލް ފައިނޭންސިން ސްކީމެވެ. އެމްއައިބީއިން ވަނީ ދާދިފަހުން ފައިސާނެޓް އަޕްގްރޭޑުކޮށް ބޮޑެތި ހެޔޮ ބަދަލުތަކެއް ގެނެސްފައެވެ.