މާލެއިން ފުރައިގެން ރ.އަތޮޅަށް ދަތުރުކުރަމުންދިޔަ މުދާ އުފުލާ ބޯޓެއް އަޑިއަށް ހިނގައްޖެ އެވެ.
އެމްއެންޑީއެފް އިން ބުނީ "އާލާ" ނަމަކަށް ކިޔާ މި ބޯޓު ދިޔަވަމުންދާ ކަމުގެ މައުލޫމާތު ލިބިފައިވަނީ ރޭ ފަތިހު 05:22 އެހާކަންހާއިރު ކަމަށެވެ.
އާލާ ބޯޓު-- ފޮޓޯ/ އެމްއެންޑީއެފް
އަދި މި ހާދިސާގެ މައުލޫމާތު ލިބުމާއެކު، މި ބޯޓަށް އެހީތެރިކަން ފޯރުކޮށްދިނުމަށް ބ.އޭދަފުށީގައި އޮންނަ އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑްގެ ސީ އެމްބިއުލާންސް ވަނީ އެ ސަރަހައްދަށް ދަތުރުކޮށްފައެވެ. މި ބޯޓު ދިޔަވާން ފެށީ ބ އޭދަފުށީގެ ދެކުނުން 2.5 ނޯޓިކަލް މޭލު ބޭރުގައެވެ.
އާލާ ބޯޓު އަޑިއަށް ދަނީ-- ފޮޓޯ/ އެމްއެންޑީއެފް
މީގެ އިތުރުން، އެމްއެންޑީއެފްއިން ބުނީ، އެ ބޯޓުން 15 މީހުން ދަތުރުކުރަމުން ދިޔަ ކަމަށާ އެމީހުން، މިހާރު އެމްއެންޑީއެފް ނޮދަން އޭރިއާ ކޮމާންޑް ކޯސްޓްގާޑްގެ ސީ އެމްބިއުލާންސްގެ އެހީތެރިކަމާއެކު ބ. އޭދަފުށްޓަށް ގެންގޮސްދީފައިވާ ކަމަށެވެ.
އަދި އެ ބޯޓް މިއަދު 08:42 ހާއިރު އެއްކޮށް އަޑިއަށްގޮސްފައިވާ ކަމަށްވެސް އެމްއެންޑީއެފް އިން މައުލޫމާތު ދެއެވެ.
Advertisement
This content is created and paid for by advertisers and does not involve Voice Journalists
