އިންޑިޔާގެ އެކްސްޓާނަލް އެފެއާޒް އެންޑް ޕާލިމެންޓަރީ އެފެއާޒްް ގެ ސްޓޭޓް މިނިސްޓަރ ވީ މުރަލީދަރަން އާއި އިންޑިއާގެ ވަފުދު އައްޑޫ ސިޓީ އަށް ވަޑައިގެންފި. މި ބޭފުޅުންނަށް މަރުހަބާ ދަންނަވާފައިވަނީ ފޮރިން އެފެއާޒްގެ މިނިސްޓަރ އަބްދުﷲ ޝާހިދު.
ޝާހިދު ވަނީ އިންޑިއާއަކީ އިތުބާރު ކުރެވޭ ބައިވެރިއެއްގެ ގޮތުގައި އިންޑިއާ ސިފަކުރައްވާ ދެގައުމުގެ ދެމެދުގައިވާ ގުޅުން އިތުރަށް ބަދަހި ކުރުމަށްް އުންމީދު ކުރާ ކަމަށް ވިދާޅުވެފަ.
އައްޑޫސިޓީ މަރަދޫއަށް ރައީސް ޞާލިހް ވަޑައިގެންފިއެވެ. ގިނަ އަދަދެއްގެ ރައްޔިތުން ވަނީ ރައީސްއަށް މަރުހަބާ ދެންނެވުމަށް ނިކުމެފައި
ރައީސް ޞާލިހް އައްޑޫ ސިޓީއަށް ވަޑައިގެންފި
އައްޑޫސިޓީ ގެ ބޮޑެތި މަޝްރޫޢުތައް ފައްޓައި ދިނުމާއި، އިފްތިތާޙް ކުރުމަށް އިންޑިޔާގެ ވަފުދެއް އައްޑޫސިޓީއަށް ވަޑައިގަތުމަށް ހަމަޖެހިއްޖެއެވެ.
އައްޑޫއަށް ވަޑައިގަންނަވާ އިންޑިޔާގެ ވަފުދުގެ އެންމެ އިސް ވެރިއެއްގެ ގޮތުގައި ބައިވެރިވެ ވަޑައިގަންނަވާނީ އިންޑިޔާގެ އެކްސްޓާނަލް އެފެއާޒް އެންޑް ޕާލިމެންޓަރީ އެފެއާޒްް ގެ ސްޓޭޓް މިނިސްޓަރ ވީ މުރަލީދަރަންއެވެ.
ރައީސުލްޖުމްހޫރިއްޔާގެ މި ދަތުރުފުޅުގައި އައްޑޫ ސިޓީގެ ތަރައްޤީއަށް ހިންގޭ ބައެއް މަޝްރޫޢުތައް ފަށްޓަވައި ދެއްވައި، އަދި މިހާރު ކުރިޔަށްދާ ބައެއް މަޝްރޫޢުތަކުގެ މަސައްކަތްތައް ބައްލަވައި ލައްވާނެއެވެ.
މިގޮތުން، އައްޑޫ ސިޓީގެ ބިން އިތުރުކުރުމުގެ މަޝްރޫޢު ފެށުމުގެ ރަސްމިއްޔާތާއި، ގަން އިންޓަރނޭޝަނަލް އެއަރޕޯޓް ތަރައްޤީކުރުމުގެ މަޝްރޫޢު ފެށުމުގެ ރަސްމިއްޔާތުގައި ރައީސުލްޖުމްހޫރިއްޔާ ބައިވެރިވެވަޑައިގަންނަވާނެއެވެ.
އަދި، އައްޑޫ ސިޓީގައި މިހާރު ކުރިޔަށްދާ ބޮޑެތި އެހެން މަޝްރޫޢުތަކުގެ ތެރެއިން، އައްޑޫ ސިޓީގެ މަގުތައް ހެދުމުގެ މަޝްރޫޢުގެ މަސައްކަތްތައް ކުރިޔަށްދާގޮތް އެމަނިކުފާނު ބައްލަވައި ލައްވާނެއެވެ.
މީގެ އިތުރުން އައްޑޫ ސިޓީ ހުޅުދޫގައި ހުންނަ، ޑްރަގް ޑިޓޮކްސިފިކޭޝަން އެންޑް ކޮމިއުނިޓީ ރިހެބިލިޓޭޝަން ސެންޓަރަށް ވެސް އެމަނިކުފާނު ޒިޔާރަތްކުރައްވާނެއެވެ.
މި ލައިވް ކަވަރޭޖުގައި ރައީސްގެ މި ދަތުރުފުޅާ ބެހޭ އެންމެ ފަހުގެ މައުލޫމާތު ވަގުތުން ގެނެސްދެވޭނެއެވެ.
Advertisement
This content is created and paid for by advertisers and does not involve Voice Journalists
