މި ހަފްތާބަންދުގައި ޙައްޖަށް ހޭލުންތެރިކުރުމުގެ ކޭމްޕް އެއް ބާއްވަން ޕީސް ފައުންޑޭޝަނުން އިއުލާންކޮށްފިއެވެ.

ޕީސް ފައުންޑޭޝަން އިން ބުނީ، މި ކޭމްޕުގައި، ޙައްޖުގެ އަޅުކަމާއި އަދި ޢުމްރާގެ އަޅުކަން އަދާކުރާނެ ގޮތް ކިޔައިދޭނެ ކަމަށެވެ. މީގެ އިތުރުން ޙައްޖަށް ތައްޔާރުވުމުގެ ގޮތުން ކުރެވޭނެ ކަންކަމާއި، ޙައްޖު ދަތުރު ފެށިގެން ނިމެންދެން މީހާގެ ޢަމަލުތައް ބަހައްޓަންޖެހޭ ގޮތާއި ދަތުރުގެ އަދަބުތަކާއި އަދި މިނޫންވެސް ޙައްޖާއި ގުޅުންހުރި މަޢުލޫމާތު ކިޔައިދޭނެ ކަމަށް ބުނެފައިވެއެވެ.

މި ކޭމްޕުގެ ސެޝަންތައް ކުރިޔަށް ގެންދަވާނީ ޝައިޚް ނިމާލް މުޙައްމަދާއި، ޝައިޚް ޝުޢައިބު ނާޡިމާއި ޝައިޚް ޖަޢުފަރު މުޙައްމަދެވެ.

Advertisement

އެ ޖަމިއްޔާ އިން އިތުރަށް ބުނީ، މިއީ މި އަހަރު ޙައްޖަށް ދިޔުމުގެ ފުރުޞަތު ލިބިފައިވާ ފަރާތްތަކަށް އަމާޒުކޮށްގެން ހިންގޭ ކޭމްޕެއް ކަމުގައި ވިޔަސް، މި އަހަރު މި ފުރުޞަތު ލިބިފައިވާ ނުވާ ފަރާތްތަކަށްވެސް މި ޕްރޮގްރާމުގައި ބައިވެރިވެވޭނެ ކަމަށެވެ.

މި ކޭމްޕް ކުރިޔަށް ދާނީ މި މަހުގެ 9 އަދި 10 ވަނަ ދުވަހުގައި، ޝީ ބިލްޑިންގ ގެ 3 ވަނަ ފަންގިފިލާގައި ކަމަށާ، ކޭމްޕުގައި ޖުމްލަ 3 ސެޝަނެއް ކުރިއަށް ދާނެ ކަމަށް ޕީސް ފައުންޑޭޝަން އިން މައުލޫމާތު ދެއެވެ.

ސެޝަންތައް ކުރިއަށް ދާނެ ގަޑިތަކަކީ؛

9  ޖޫން: 20:00 އިން 22:00 އަށް

10 ޖޫން: 16:00 އިން 18:00 އަށް، އަދި 20:00 އިން 22:00 އަށް.

މި ކޭމްޕުގައި ބައިވެރިވުމަށްޓަކައި ގޫގަލް ފޯމު ފުރުމަށް ޕީސް ފައުންޑޭޝަނުން އެދެއެވެ. އިތުރު މަޢުލޫމާތު ހޯއްދެވުމަށް 9552949 އަށް ގުޅުއްވާލުމަށްވެސް އެދިފައިވެއެވެ. 

https://forms.gle/N4mqdQMvgn7gVCSe6