ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީ އެންމެ ފުރަތަަމަ އުފެދިގެން އައިއިރު އެ ޕާޓީގެ އަމާޒަކަށް ވެފައި އޮތީ، ގައުމު ކުރުން ކަމަށާ، އެހެން ނަމަވެސް، މިހާރު އެ އަމާޒު ބަދަލުކުރައްވާފައިވާ ކަމަށް އަދާލަތު ޕާޓީގެ ރައީސް އިމްރާން އަބްދުالله ވިދާޅުވެއްޖެއެވެ. 

ރިޔާސީ އިންތިހާބަށް ތައްޔާރުވުމުގެ ގޮތުން، އަދާލަތު ޕާޓީގެ ބައެއް މެމްބަރުންނާ ބައްދަލު ކުރެއްވުމަށް ރޭ ބޭއްވި ބައްދަލުވުމެއްގައި ވާހަކަ ދައްކަވަމުން އިމްރާން ވިދާޅުވީ، 2005 ވަނަ އަހަރު ރާއްޖޭގެ ސިޔާސީ މަޝްރަހަށް އައި ބަދަލުތަކާއި އެކުގައި ޢަދާލުޕާޓީވެސް އުފެދިގެން އައިސްފައިވާ ކަމަށެވެ. އެގޮތުން އެ ޕާޓީ އޭރު އުފެއްދެވުމުގައި އޭރު މަސައްކަތް ކުރެއްވި ފަރާތަކަަށް، ޕާޓީ މިހާރު އައިސްފައިފާ ހިސާބަށް އަންނާނެކަމަށް ތަސައްވުރުވެސް ކުރެވިފައި ނުވާ ކަމަށް އޭނާ ވިދާޅުވި އެވެ. 

ކަންމިހެން ހުރި ނަމަވެސް، އޭރު އެ ދެކެމުންއައި ތަސައްވުރު މިހާރު ބަދަލުވެފައިވާ ކަމަށް އޭނާ ވިދާޅުވި އެވެ.

އެގޮތުން އޭރު އަދާލަތު ޕާޓީގެ އެންމެ މުހިންމު އެއް "ސްޓޭޓްމަންޓަކަށް" ވެފައި އޮތީ، އަދާލަތު ޕާޓީ މަސައްކަތް ކުރަމުން ދަނީ، ގައުމު އިސްލާހުކުރަން ކަން ފާހަގަކުރައްވައި ޢިމްރާން ވަނީ މިހާރު އެ "ސްޓޭޓްމަންޓް" ބަދަލު ކޮށްފައިވާ ކަމަށެވެ. އަދި މިހާރު އެޕާޓީގެ އަމާޒަކީ އިސްލާމީ އުސޫލުން ހިންގާ ވެރިކަމުގެ ނިޒާމެއް އުފެއްދުން ކަމަށްވެސް އޭނާ ވިދާޅުވި އެވެ.

ޢިމްރާން ވިދާޅުވީ އެ ޕާޓީގެ މިހާރުގެ އަމާޒަށް ވާސިލް ވުމަށްޓަކައި، ޕާޓީގެ ސްޓްރެޓެޖިކް ޕްލޭންގައި ކުރަހާފައިވާ މަގު ވަރަށް ސާފު ކަމަށެވެ. އަދި އެމަގާއި ހަމައަށް ދެވޭނީ މިއަދުއްސުރެ, އެ މަގާއި ހަމައަށް ދިޔުމަށް އަޅާފިޔަވަޅު، ސާބިތު ކަމާއި އެކު އަޅައިގެން ކަމަށްވެސް ޢިމްރާން ވިދާޅުވިއެވެ. 

ސަރުކާރުގެ ކޯލިޝަންގެ މިހާރުގެވެސް ބައިވެރިއެއްގެ ގޮތުގައި އޮތް އަދާލަތު ޕާޓީން މި އަހަރުގެ ރިޔާސީ އިންތިހާބުގައިވެސް ނިންމާފައިވަނީ އެމްޑީޕީއާ އެކު ކޯލިޝަން ހަދާށެވެ.