ރައްޔިތުންހެ މަޖިލީހުގެ ހިތަދޫ މެދު ދާއިރާގެ މެމްބަރު އަހުމަދު ރަޝީދުވެސް އެމްޑީޕީން ވަކިވެވަޑައިގެންފިއެވެ.
އަހުމަދު ރަޝީދު އެމްޑީޕީން ވަކިވެވަޑައިގެންނެވި ކަން އަންގަވައި ޗެއާޕާސަން ފައްޔާޟް އިސްމާއިލް އަށް ފޮނުއްވި ސިޓީގައި ވަކި ސަބަބެއް ވިދާޅެއް ނުވެއެވެ. ހަމައެކަނި ވަނީ އިސްތިއުފާ ދެއްވި ވާހަކައެވެ.
އަހުމަދު ރަޝީދުގެ އިސްތިއުފާގެ ސިޓީ އާއްމުކުރެއްވީ އެމްޑީޕީގެ ރައީސް، މުހައްމަދު ނަޝީދު އެޕާޓީން ވަކިވެވަޑައިގެންފިކަން އިއުލާނު ކުރެއްވިތާ ކުޑަ އިރުކޮޅެއް ފަހުންނެވެ.
އެމްޑީޕީން ވަކިވެވަޑައިގެންނެވި ކަން އިއުލާން ކުރައްވައި ރައީސް ނަޝީދު، އެމްޑީޕީގެ ޗެއާޕާސަން ފައްޔާޒް އިސްމާއިލް އަށް ފޮނުވި ސިޓީއެއްގައި ވިދާޅުވީ ރާއްޖޭގެ ކަންކަން މިހާރު ހިނގަމުންދާ ގޮތައް ބަލާއިރު އެމަނިކުފާނު އެމްޑީޕީގައި ހުރުން އެއީ އެންމެ ރަނގަޅު ގޮތް ކަމަށް ނުދެކޭ ކަމަށެވެ. އެހެންކަމުން އެމްޑީޕީން އިސްތިއުފާ ދެއްވާފައިވާ ކަމަށްވެސް އެ ސިޓީގައި ވިދާޅުވިއެެވެ.
ރައީސް ނަޝީދު އެމްޑީޕީން ވަކިވެވަޑައިގެންފައި މިވަނީ، އެމަނިކުފާނަށް ވަފާތެރި ފަރާތްތަކުން 'ދަ ޑިމޮކްރެޓްސް'ގެ ނަމުގައި ޕާޓީއެއް އުފެއްދުމަށް ނިންމަށް އެ ޕާޓީ ރެޖިސްޓާރ ކުރަން އިލެކްޝަންސް ކޮމިޝަނަށް ހުށަހަޅާފައިވެއެވެ.
Advertisement
This content is created and paid for by advertisers and does not involve Voice Journalists
